ब्युटी न्युज नेपाल
काठमाडौं, १६ चैत
मुलुकमा कोरोनाका सँक्रमण फैलन सक्ने अबस्थालाई मध्यनजर राख्दै सरकारले कोरोना भाईरस संक्रमण रोकथाम तथा नियन्त्रण केन्द्रिय रातह कोष सञ्चालन गरेको छ । यो कोषमा सरकारी देखि निजी क्षेत्रले अहिले आर्थिक सहयोग गरिरहेको छ । आर्थिक सहयोग प्रदानमा कलाकारहरु पनि जुर्मुराउन थालेका छन् ।
यसै क्रममा यो कोषका लागि कलाकारकात तर्फबाट पहिलो आर्थिक सहयोग गायक एवम् नवोदिन अभिनेता प्रकाश सपुतले गरेका थिए । उनले २ लाख रुपैयाँ सहयोग पाँच दिन अघि नै गरेका हुन् ।
प्रकाशपछि यो कोषमा अभिनेत्री वर्षा शिवाकोटी, लोक दोहोरी गायक बद्री पँगेनी र नेपाल चलचित्र कलाकार संघले पनि आर्थिक सहयोगको घोषणा गरेका छन ।
अभिनेत्री वर्षा शिवाकोटीले आईतबार फेसबुकमा एउटा भिडियो पोष्ट गर्दै अहिलेका अबस्थामा कोरोना बिरुद्धको सँघर्षमा साथ दिनु सबैको कतव्र्य भएकाले आफुले एक लाख रुपैयाँ सहयोग गर्ने घोषणा गरेको उनले बताईन् । यो रकम उनले कोरोना भाईरस संक्रमण रोकथाम तथा नियन्त्रण केन्द्रिय रातह कोषमा प्रदान गर्ने बताएकी छिन् ।
यस्तै नेपाल चलचित्र कलाकार संघको तर्फबाट अध्यक्ष रविन्द्र खड्कासहित अहिलेको कार्यसमितिले यो कोषमा एक लाख एक हजार रुपैयाँ प्रदान गर्ने घोषणा आईतबार गरेको छ ।
यता लोक दोहोरी गायक बद्री पँगेनीले पनि ब्यक्तिगत रुपमै कोरोना भाईरस संक्रमण रोकथाम तथा नियन्त्रण केन्द्रिय रातह कोषमा ५० हजार रुपैयाँ सहयोग प्रदान गरेको बताएका छन् । लक डाउनको बेला घरमै बसेर आफ्नो खाताबाट सो कोषको खातामा ५० हजार रुपैयाँ जम्मा गरेको उनले बताएका छन् । अहिले सरकारले कोरोना भाईरसको सँक्रमण रोक्न गरेको कार्यको प्रसँसा पनि यि गायकले गरेका छन् ।
