ब्युटी न्युज नेपाल
काठमाडौँ, ९ माघ
नेपाली चलचित्र ‘मितज्यू’ को छायांकन सुरु भएको छ । वसन्त पञ्चमीको अवसर पारेर दाङस्थित अम्बिकेश्वरी मन्दिरमा शुभ मुहूर्त गर्दै यो चलचित्रको छायांकन औपचारिक रूपमा सुरु गरिएको हो ।
यो चलचित्रमा दयाहाङ राई, सौगात मल्ल, तेरिया फौजा मगर, पुस्कर गुरुङ, शिशिर वाङ्देल, राज थापा, सुवर्ण थापा, अनु थापा, स्मिता लामिछाने, अरुण पुन मगर, उत्तम राज पाण्डे, सविन कट्टेल, उमेश सोनाम, पवित्रा खड्का, चाहाना राना मगर, अनुशा राई, खड्गबहादुर पुन मगर (खबपु) लगायतको अभिनय रहनेछ ।
धार्मिक विधिपूर्वक पूजा गरेर पहिलो दृश्य खिच्दै फिल्मको यात्रा सुरु गरिएको हो। निर्माता जनक घर्ती मगरका अनुसार ‘मितज्यू’ सामाजिक कथावस्तुमा आधारित चलचित्र हो, जसको छायांकन दाङ र रोल्पाका विभिन्न स्थानमा गरिने छ ।
यो चलचित्रको सम्पादक लोकश बज्राचार्य, छायाकार शिशिर शिशंखेल, द्वन्द्व निर्देशक प्रभात विष्ट र साउन्ड डिजाइनर नवीन श्रेष्ठ रहेका छन् । चलचित्रमा संगीत श्रीकृष्ण बम मल्लको रहने छ ।
