ब्युटी न्युज नेपाल
काठमाडौँ, १३ मंसिर
पछिल्लो पुस्तकी लोकप्रिय लोक गायिका सुनिता दुलालले विवाह गरेकी छिन् । आज काठमाडौँको मुलपानी स्थित नोर्लिङ रिसोर्टमा उनले विवाह गरेकी हुन् । मुसिकोट, रुकम घर भएका विद्यार्थी नेता राजेश केसीसँग उनको विवाह भएको हो ।
नेपाल विधार्थी संघका पूर्व केन्द्रिय सदस्य राजेशसँग सुनिता विगत ६ वर्षदेखि प्रेम सम्बन्धमा थिईन् । सोही सम्बन्धलाई उनले आज विवाहमा परिणत गरेकी हुन् । यसअघि गत बिहीबार उनीहरूले इन्गेजमेन्ट गरेका थिए ।
सुनिताको विवाह समारोहमा अभिनेता राजेश हमालदेखि विभिन्न कलाकार तथा अन्य सेलिब्रेटीहरुको राम्रो उपस्थित थियो । विवाह पछि पनि सुनिताले आफ्नो गायन यात्रालाई निरन्तर अघि बढाउने बताएकी छिन् ।
