ब्युटी न्युज नेपाल
काठमाडौँ, २४ कात्तिक
चलचित्र बिकास बोर्डले सोमबार (आज) बोर्डको सभा हलमा १५ जना चलचित्रकर्मीहरूलाई ‘सांस्कृतिक रूपान्तरण सम्मान तथा पुरस्कार’ प्रदान गर्यो । नेपाली चलचित्र क्षेत्रमा रुपान्तरण पूर्ण कार्य गरेको भन्दै उनीहरुलाई पुरस्कृत गरेको हो । सञ्चार तथा सूचना प्रविधि मन्त्री जगदीश खरेललेसमारोहमा जनही २० हजार रुपैयाँ सहित सो पुरस्कार प्रदान गरेको हो ।
समारोहमा चलचित्र कलाकारबाट अभिनेता शिव श्रेष्ठ, चरित्र अभिनेत्री सबिता गुरुङ, कलाकार हेमन्त बुढाथोकी, अभिनेता अभिनेता नाजिर हुसेन र दिवंगत अभिनेता एवम् बोर्डका पूर्व अध्यक्ष केशब भट्टराई (मरणोपरान्त)लाई यो सम्मान प्रदान गरियो ।
यस्तै चलचित्र निर्देशकहरु तीर्थ थापा, युवराज लामा, सम्झना रौनियार उप्रेती, रिमेश अधिकारीले पनि यो सम्मान पाए । गायन क्षेत्रबाट गायक यस कुमार र गायिका अन्जु पन्त, चलचित्र निर्माता किसान पोखेल, चलचित्र पत्रकार ध्रुव लम्साल, चलचित्र महोत्सव व्यवस्थापक रम्यता लिम्बू र रंग संयोजक रेनीश फागोलाई पनि पनि यो सम्मान प्रदान गरियो ।
सञ्चार तथा सूचना प्रविधि मन्त्री खरेल र सोही मन्त्रालयकी सचिव राधिका अर्यालले कार्यक्रम बोल्दै चलचित्र क्षेत्रलाई सुदृढ बनाउन सरकार पूर्ण रूपमा प्रतिबद्ध रहेको बताए ।
संविधान दिवसको असवर पारेर ३ असोजमा प्रदान गरिने यो सम्मान त्यति बेला मुलुकको विसम परिस्थितिले गर्दा यति बेला प्रदान गरिएको बोर्ड अध्यक्ष डिसीले कार्यक्रममा प्रकाश पारे ।
तस्बिर : चलचित्र विकास बोर्ड
