ब्युटी न्युज नेपाल
काठमाडौँ, १ कात्तिक
नयाँ गीत जेन्जी तिहार…को भिडियो सार्वजनिक भएको छ । शुभ दीपावली – २०८२ लाई लक्षित गरेर यो गीत ल्याईएको छ । गत भदौ २३ र २४ मा जेन्जी पुस्ताले गरेको प्रदर्शन र राज्यको दमनलाई लक्षित गरेर गीतको निर्माण गरिएको छ । आदि शक्ति अफिसियल नामक युट्युबबाट भिडियो सार्वजनिक गरिएको छ ।
यो गीतलाई सजिना लामिछाने र तुलसी बाँस्कोटाले लेखेका हुन् । चलचित्र निर्देशक आरबी खत्री शरदले संगीत गरेका छन् भने राजिव शाहले संगीत संयोजन र रेकर्डिङ एवम् मास्टरिङ गरेका छन् । उक्त गीतमा आरबी खत्री शरद्, श्रद्धा दियाली, रमेश मैनाली, राजिव शाह र निर्मला कार्कीको स्वर रहेको छ ।
यो गीतको भिडियोमा आरबी खत्री शरद्, लक्ष्मीनाथ तिमल्सिना, सरिता भण्डारी, सजिना लामिछाने, रमेश मैनाली, शिव मैनाली, राज धामी लक्ष्मी जोशी, पिय्रा कार्की, पार्वती अधिकारी भट्टराई, श्रीदा क्षेत्री बिन्दु श्रेष्ठ, तेजी कुँवर, सपना देवकोटा, अनिल राई, गीता ओली, सुजिता खत्री र लक्ष्मी सिवाकोटी लगायतका कलाकारहरुले अभिनय गरेका छन् ।
यो गीतको भिडियोमा आरबि खत्री शरदको निर्देशन, राज पोख्रेलको छायांकन, राज धामीको सम्पादन, दिनेश लिम्बुको कोरियोग्राफी रहेको छ । गीतले देशमा व्याप्त भ्रष्टाचार र परम्परागत राजनीतिका कारण जेन्जी पुुस्ता तातेका बेला देश जलेकोमा आक्रोश पोखेको छ । देश बन्छ भन्दै घरबाट हिँडेको छोरो राज्यको दमनमा परेर मारिएको खबर सुनेपछि आमा विक्षिप्त बन्नु पर्दाको अवस्थालाई चित्रण गरेको छ ।
