ब्युटी न्युज नेपाल
काठमाडौं, २३ चैत
शनिबार बिहानै देखि परेको अबिरल वर्षाका कारण किर्तिपुरको क्रिकेट रंगशालामा शनिबार १० बजेपछिबाट हुने भनिएको राष्ट्रियस्तरका कलाकारहरु बिच क्रिकेट खेल स्थगीत भएको छ ।
धुर्मुस सुन्तली फाउण्डेशनले चितवनको भरतपुरमा निर्माण गर्ने ‘गौतम बुद्ध अन्तर्रा्ष्ट्रिय क्रिकेट रङ्गशाला’ निर्माण सहयोगार्थ यो खेल आयोजना गर्न लागेको थियो । प्रतियोगीताका लागी कलकारहरु अभ्यास खेलपछि पूर्ण तयारीमा थिए । टिकट पनि राम्रो सँख्यामा बिक्री भएको थियो ।
बिहानै देखि परेको पानीको कारण क्रिकेट म्याच खेल्न नसकिने भएपछि शनिबार हुने भनिएको मातृभूमि कप अर्को सुचना नआएसम्मका लागि रोकिएको आयोजक सिताराम कट्टेल धुर्मुसले सुचनामार्फत जनाएका छन् ।
