व्युटी न्युज नेपाल
काठमाडौं, २३ असार
कान्तिपुर टिभीमा ‘कथा प्रेमका’ निर्देशन गर्दै आफुलाई भिजेसँगै निर्देशकको रुपमा चिनाएकी संगीता श्रेष्ठले नयाँ चलचित्र कथा काठमाडौं निर्देशन गरेकी छिन् । संगीताले यो चलचित्रको रिलिज मिति तोक्दै आगामी १२ असोजबाट दर्शकमाझ ल्याउने भएकी छिन् ।
यसै क्रममो उनले फिल्मको फस्र्ट लुक्स अन्तर्गत पोष्टर सार्वजनिक गरेकी छिन । पोष्टरलाई ज्योतिमान डंगोलले तयार गरेका हुन् । सार्वजनिक पोष्टरमा फिल्मको पात्रको लुक्स र काठमाडौमा भोगिने केहि घटनाक्रमको प्रतिविम्ब चित्रण गरिएको छ ।
काठमाडौका भिन्न भिन्न पात्रको कथालाई यसमा चित्रण गरिएको संगीताले बताईन् । यसफिल्मको पोष्टरमा प्रियंका कार्की, आयुष्मान देशराज जोशी, संजोग कोइराला, सन्ध्या केसी, प्रेक्षा अधिकारी, प्रमोद अग्रहरीलाई समेटिएको छ । फिल्ममा गायिका इन्दिरा जोशी पनि विशेष भूमिकामा देखिदैछिन ।
आहाना फिल्मको ब्यानरमा निर्माण भएको यो चलचित्रमा विजय राइको लगानी छ । कथा काठमाडौंमा लुःजः सिंहको छायाँकन रहेकाे छ । यसमा मित्र गुरुङको सम्पादन र संगीता स्वयमको पटकथा छ ।
