व्युटी न्युज नेपाल
काठमाडौं, १४ असोज
आफ्ना गीतबाट करोड भन्दा माथि भिवर्स कमाउँदै आएका संगीतकार राजनराज शिवाकोटीलाई चलचित्र चँगा चेटको गीत गोजीमा दाम छैन…बाट फेरी यस्तै सफलता मिलेको छ ।
यो गीत अहिले जताततै हिट छ । गीतको भिडियो युट्युवमा एक करोड ५२ लाख भिवर्स नाघि सकेको छ । यही अबसरमा मँगलबार काठमाडौंमा केक काटेर निर्माण पक्षले खुसी साटेको थियो ।
सोही कार्यक्रममा गोजीमा दाम छैन…गीतको सफलताका लागि संगीतकार राजनराज शिवाकोटीलाई ५० हजार रुपैयाँ बोनस दिईयो । यो फिल्मको संगीत गर्ने क्रममै एक करोड भिवर्स कटेको खण्डमा ५० हजार रुपैयाँ दिने घोषणा निर्माता माधव वाग्लेले गरेका थिए । सोही घोषणा बमोजिम उनलाई ५० हजार बनोस दिईएको निर्माता वाग्लेले कार्यक्रममा बताए ।
’गोजीमा दाम छैन’ गीतमा राजनराज सिवाकोटी, मेलिना राई र ग्रिष्मा सिवाकोटीको स्वर छ । गीतको शब्द हरिहर तिमल्सिनाले लेखेका हुन् ।
गोजीमा दाम नभएको बेला ५० हजार हातमा पर्दा खुसी लागेको राजनले बताए । त्यो मध्यबाट पाँच प्रतिसत रकम गीतकारलाई दिने पनि उनले घोषणा गरे ।
