ब्युटी न्युज नेपाल
काठमाडौं, १९ माघ
विलक्षण क्रियसन प्रा.लि. तथा ब्युटी न्युज नेपालको छैटौं वार्षिकोत्सबको अबसरमा काठमाडौंको नाचघरमा आयोजित ‘राष्ट्रिय विलक्षण प्रतिभा सम्मान–२०७९’बाट विभिन्न श्रष्टाहरु सम्मानित भएका छन् ।
नेपाली चलचित्र, गीतसंगीत, सौन्दर्यकला तथा समाजसेवामा निरन्तर योगदान दिएका यी श्रष्टाहरुको योगदानको कदरगर्दै काठमाडौंको जमल स्थित नाचघरमा वार्षिकउत्सब समारोहबीच सम्मानित गरिएको हो ।
बरिष्ट अभिनेत्री बसुन्धरा भुसाल, सांस्कृतिक संस्थानका महाप्रबन्धक अशोक प्यासी राई, अग्रज लायन्स रेश्मा श्रेष्ठ, बरिष्ट ब्युटिसियन सोनी कारँजित, बरिष्ट ब्युटिसियन इन्दु आचार्यलगायतले श्रष्टाहरुलाई कार्यक्रममा सम्मान प्रदान गरेका हुन् । यसरी सम्मानित हुनेमा साहित्य क्षेत्रबाट अग्रज पुस्तक सम्पादक पारशप्रकाश नेपाल, उपन्यासकार सुरेन्द्र महर्जन ‘अमर’ थिए । सौन्दर्यकला क्षेत्रबाट ब्युटिसियनहरु अनिता खड्का रायमाझी, रश्मिला श्रेष्ठ र सोनी शाहसम्मानित भए ।
यस्तै चलचित्र क्षेत्रबाट सम्मानित हुनेहरुमा चलचित्र अभिनेता, निर्माता तथा वितरक करण श्रेष्ठ ‘क्रेजी’, महिला चलचित्र निर्देशक लछु गौतम, निर्देशकहरु नरेन श्रेष्ठ, कल्याण अधिकारी, हास्य अभिनेता बेगम नेपाली ‘भट्भटे माईला’, सिनेमाटोग्राफर कृष्णबहादुर थापा, कोरियोग्राफर जोगेन्द्र केसी, कृष्ण रसाल थिए ।
फेशन डिजाईन क्षेत्रबाट काजल शर्मा, दिलमाया मगर, अन्तराष्ट्रिय कोरियोग्राफीबाट अश्विनी कान्त झा, समाजसेवाबाट ज्योति घिमिरे, सुनकुमारी श्रेष्ठ सम्मानित भए । यस्तै ब्यबसाय क्षेत्रबाट व्यवसायी शोभा गुरुङ, युवा उधमी बालकृष्ण पोखरेल र श्रष्टा दिलिप केसी कार्यक्रममा सम्मानित भए ।
नेपाली संगीत क्षेत्रबाट अग्रज गीतकारहरु प्रकाश सुवेदी, गीतकार कमला रिसाल, गीतकार प्रतिमा गुरुङ, गायक नारायण थापा, गायक ओम सुनार, गायिका केन्जुमा सुब्बा, गायक चिरञ्जिवी भण्डारी, गायक भरत सामरी, संगीतकार योगेन्द्र उपाध्याय, संगीत संयोजक शाहस शाक्य कार्यक्रममा सम्मानित भए । सञ्चारबाट चलचित्र पत्रकार जीवन पराजुली र फोटो पत्रकार सुरेन्द्र थापा सो वार्षिक उत्सबमा राष्ट्रिय विलक्षण प्रतिभा सम्मानबाट सम्मानित भए ।
आ आफ्नो क्षेत्रमा उल्लेख्य योगदान पु¥याएका श्रष्टाहरुलाई हरेक वर्ष सम्मानित गरेर विलक्षण क्रियसन प्रा.लि.ले उनीहरुको हौसला बढाउने काम गरेका बरिष्ट नायिका बसुन्धरा भुसालले बताईन् ।
कार्यक्रमको प्रमुख अतिथि खानेपानी मन्त्री अब्दुल खानले यात्राको क्रममा कार्यक्रममा आफु समयमा आउन नसके पनि फोनबाटै सबैलाई शुभकामना व्यक्त गरे ।
लायन्स जोन चेयरपर्सन तथा आयोजक संस्थाकी सल्लाहकार बरिष्ट ब्युटिसियन सोनी कारँजितले आफुहरुले विलक्षण क्रियसनबाट हरेक वर्ष विभिन्न कार्यक्रम गरेर नेपाली गीतसंगीत, सिनेमा तथा सौन्दर्यकला क्षेत्रमा योगदान पुर्याउँदै आएको बताईन् ।
विलक्षण क्रियसनका अध्यक्ष डब्बु क्षत्रीले प्रतिभालाई प्रोत्साहन गर्न आफुहरुले विगत ६ वर्षदेखि नै श्रष्टालाई सम्मान गर्दै आएको बताईन् । कार्यक्रममा गायिका सोनी राजभण्डारीले गीत प्रस्तुत गरेर दर्शकको मन जितिन् । पत्रकार जीवन पराजुलीद्धारा सञ्चालन गरिएको सो कार्यक्रममा ब्युटी न्युज नेपालका सल्लाहकार टिमकी जयन सुब्बा मानन्धर, फुपु तेन्जिङ शेर्पा, समाचार संयोजक सरिता भारतीलगायतलाई मञ्चमा सल्लाहकार सोनी कारंजितले स्वागत गरिन् ।
यस्तै वार्षिक उत्सबमा सहयोग गर्ने चलचित्र मनसँग मनका निर्माता निर्देशक कैलाश राई, चलचित्र गोर्खा वारियरका निर्माता निर्देशक मिलन चाम्स, आईआईएफटीका प्रबन्ध निर्देशक फुपु तेन्जिङ शेर्पा, अभिनेत्री रोशनी केसी, प्लान इन्टरनेशनल एजुकेशनका प्रबन्ध निर्देशक एवम् अभिनेता प्रवण भुसाल, नेपाल पेट सेन्टरका अध्यक्ष सुवास खड्कालगायतलाई कदरपत्र प्रदान गरिएको थियो ।
