ब्युटी न्युज नेपाल
पाल्पा, २० जेठ
भारतको मुम्बईबाट फर्किएका एक जना ४६ वर्षीयपुरुषको उपचारको क्रममा युनाइटेड मिशन अस्पताल पाल्पाको आईसोलेसनमा मँगलबार मृत्यु भएको थियो । ती व्यक्तिमा कोरोना सँक्रमण पुष्टी भएको छ । उनी पाल्पाको पुर्वखोला गाउँपालिका १ सिलुवाका हुन् । उपचारको क्रममा मृत्यु भएको सो अस्पतालले जनाएको थियो ।
मृतक पुरुषमा कोरोना सँक्रमण पुष्टी भएको स्वास्थय तथा जनसँख्या मन्त्रालयका प्रवक्ता डा. विकाश देवकोटाले आज बताए । कोरोना सँक्रमणबाट नेपालमा मृत्यु हुने उनी १० औं व्यक्ति हुन् ।
दिवँगत पुरुष पाँच अघि भारतको मुम्बाइबाट घर आएका थिए । उनी आईतबार राती गाउँ आएर पूर्वखोला गाउँपालिका वडा नं २ जल्पा शम्भु माविको क्वारेन्टनमा बसेका थिए । गाउँपालिकाका स्वास्थ्य संयोजक मोहन ढकालका अनुसार क्वारेन्टाइनमा उनलाई कोरोना संक्रमणसंग मिल्दोजुलो लक्षणहरु देखापरेपछि उपचारका लागि मिशन अस्पताल रिर्फर गरिएको थियो ।
बिरामी परेका ती व्यक्ति कोरोनाको शंकामा स्वाब परिक्षणको नमूना सोमबार संकलन गरेर सामाजिक विकास मन्त्रालय प्रदेश जनस्वास्थ्य प्रयोशालामा पठाइएको थियो । उनको रिपोर्ट आज पोजेटिभ आएको हो । मृत्युपश्चात उनको शब अस्पतालमा राखिएको थियो । अब विशेष सुरक्षाका साथ उनको अन्तिम संस्कार गरिने सुरक्षाकर्मीले जनाएको छ ।
