व्युटी न्युज नेपाल
काठमाडौं ३१ असोज
वर्षमा एउटा मात्र फिल्म खेल्ने युवा अभिनेता अनमोल केसी पनि अन्य अभिनेता जस्तै वर्षमा चार ओटा सिनेमा दर्शकलाई दिने तयारीमा छन् । वर्षमा चार वा सो भन्दा बढी सिनेमा दिएकै कारण अरु अभिनेताहरुको सिनेमामा आजकाल दर्शकको खडेरी पर्न थालेको छ ।
अभिनेता अनमोलले पनि यो वर्ष यस्तै जोखिम मोलेको छन् । उनले आफ्नो गृह व्यानरमा निर्माण भएको फिल्म क्याप्टेनको छायाँकन नसक्दै झरना थापाको फिल्म ए मेरो हजुर ३ को छायाँकन सुरु गरे । यो वर्षमा उनको यो दुई ओटा फिल्म मात्र हैन । अरु दुई ओटा फिल्म पनि उनले गर्नु पर्ने भएको छ । जसका कारण उनलाई समयमै सुटिङ सक्नु पर्ने दवाव बढ्दो छ ।
असोजबाट सुरु भएको ए मेरो हजुर ३ को छायाँकन सकेपछि अनमोलले मँसिरबाट मिलन चाम्सको नयाँ फिल्म व्याचरल बन्टीको छायाँकन सुरु गर्नु पर्ने छ । मिलनले यो फिल्मको लागि उनले कलाकारको समेत चयन गरिसकेका छन् । तर यतीबेला अनमोल ए मेरो हजुर ३ मा व्यस्त भएपछि मंसिरबाट आफ्नो फिल्म कसरी छायाँकन सुरु गर्ने भन्ने तनावमा छन् ।
यस्तै आगामी फागुनबाट छायाँकन सुरु गर्न अनमोल यस अघि नै हिन्दीमा अनुबन्धित भईसकेका छन् । वल्र्ड वाईड रेकर्डले निर्माण गर्ने यो फिल्मको विभिन्न कलाकार चयनको क्रम जारी छ । आगामी माघसम्म पूर्व तयारी सकेर फागुनबाट फिल्मको छायाँकन सुरु गरिने भएको छ । यसरी एकै वर्षमा अनमोलले चार ओटा फिल्मको छायाँकन सक्नु पर्ने भएको छ ।
