ब्युटी न्युज नेपाल
काठमाडौं २९ बैशाख
ब्युटिसियन तथा मेकअप आर्टिष्ट सरु श्रेष्ठले ललितपुरको जावलाखेलमा क्युट एण्ड साइन ब्युटी हब सञ्चालन गरेकी छिन् । उनको यो सलुनको अभिनेत्री पूजा शर्माले आज रिबन काटेर उद्घाटन गरेकी छिन् । सरु १२ वर्षदेखि सौन्दर्य क्षेत्रमा छिन् । उनको यो जावलाखेलको शाखा तेस्रो शाखा हो ।
यस ब्युटी हबकी सञ्चालिका सरु श्रेष्ठका अनुसार हबमा वेलेस, स्पा र बाथका सुविधा छन् । हबले पीएमयू, स्किन केयर र हेयर कट एण्ड केयरमा एडभान्स र स्पेसल तालिम पनि दिने उनले बताइन्,‘ब्युटीसँग सम्बन्धित सबै सुविधाहरु एकै ठाउँमा सुरु गर्न लागेका हौं । जसरी भाटभटेनीमा जाँदा सबै कुराहरु पाइन्छ, त्यसरी नै सौन्दर्यसँग सम्बन्धित सबै सुविधाहरु दिनका लागि यो हब सञ्चालनमा ल्याएका हौं’, उनले भनिन् । उद्घाटनको अबसर पारेर केही दिनको लागि यो ब्युटी हलमा विभिन्न सेवामा छुट दिईएको पनि सरुले बताईन् ।
उद्घाटन समारोहमा बोल्दै अभिनेत्री पुजा शर्माले आफ्नो जक्सन जाउलाखेलमा सुविधा सम्पन्न सलुन स्थापना भएकोमा खुसी व्यक्त गरेकी छिन्,‘सुरुवाती दिन आफ्ना लागि ठूलो समय जस्तो लाग्छ । त्यो समयभन्दा ठूलो समय अरु केही लाग्दैन । मेरो घर कुसुन्ती हो । कुसुन्तीबाट जावलाखेल भनेको मेरो जन्म भएदेखिको ठाउँ हो । मेरो जीवन नै जावलाखेलमा नै बिताइयो’, पुजाले भनिन्,‘अझ जावलाखेलमा नै यो हब खुलेकाले मैले नयाँ घर पाएँ जस्तो लागेको छ । मलाई माया गर्ने सबै जनालाई यो हबमा आइदिन आग्रह गर्छु । महिलाहरुका लागि सेफ जोन जस्तै देखेकी छु ।’
