ब्युटी न्युज नेपाल
काठमाडौं, ५ पुष
चलचित्र ‘पर्खि बसेँ तिमीलाई’का यही २७ पुषमा रिलिज हुने भएको छ । यो चलचित्रलाई दीपक श्रेष्ठले निर्देशन गरेका हुन् । उनको २७औँ निर्देशनको यो चलचित्रको फस्ट लुक्स अन्तर्गत दुई पोस्टर सार्वजनिक गरिएको छ । पोस्टरमा अग्रज अभिनेता शिव श्रेष्ठसहित, अभिनेता किरण श्रेष्ठ, अभिनेत्री रक्षा बुढाथोकी छन् ।
चलचित्रमा अनिशा रसाइली, विल्सन विक्रम राई, मनिष श्रेष्ठ लगायतको पनि अभिनय छ । किरण र रक्षा दुवैले यही चलचित्रबाट अभिनयमा डेब्यु गरेका हुन् ।
चलचित्रका निर्माता राजाराम बुढाथोकी हुन् भने सह निर्माता कोमल गुरुङ हुन्। यसमा परिच्छेद सेन, मौनता श्रेष्ठ र पुरुषोत्तम ढुङ्गेलको लेखन, शम्भुजित बाँस्कोटा, दीपक शर्मा, महेश खड्काको संगीत, सङ्कल्प भुजेलको छायाङ्कन, भूपेन्द्र अधिकारीको सम्पादन, निशा रसाइली र रामजी लामिछानेको नृत्य निर्देशन छ ।
चलचित्र ‘बादल पारी’को कालजयी गीत ‘कालो चस्मा लाऊ है मैयाँ विशाल बजारको’लाई रि–एरेञ्ज चलचित्रमा राखिएको छ ।
