ब्युटी न्युज नेपाल
काठमाडौं, २९ असार,
दुई घन्टाको रस्साकसी पछि नवनियुक्त प्रधानमन्त्री शेरबहादुर देउवाले राष्ट्रपति विधादेवी भण्डारीबाट प्रधानमन्त्री पदको सपथ लिएका छन् ।
मन्त्रिपरिषद् गठन गरेका छन् । सर्वोच्च अदालतको फैसलाबमोजिम देउवालाई प्रधानमन्त्री नियुक्त गरिएको राष्ट्रपति कार्यालयले जनाएको थियो । संविधानको कुन धाराअनुसार भनिएको थिए । त्यसमा देउवाले आपत्ति जनाए र संविधानको धारा उल्लेख नगरी शपथ नलिने अडान लिएपछि पूर्व निर्धारित समय ६ बजे शपथ समारोह सुरु हुन सकेन ।
झण्डै दुई घण्टा छलफल भएपछि राष्ट्रपति कार्यालय सर्वोच्च अदालतको फैसला र संविधानको धारा ७६९५० अनुसार प्रधानमन्त्री नियुक्त गरिएको उल्लेख गर्न तयार भयो । यसरी सच्याईएपछि बेलुका ८ बजेपछि मात्र देउवाले सपथ लिएका हुन् । सपथ लिए लगत्तै ४ सदस्यीय मन्त्री परिषद समेत उनले गठन गरेका छन् ।
संविधानको धारा ७६(५) अनुसार प्रधानमन्त्री नियुक्त भएका देउवाले आफ्नो दल नेपाली कांग्रेससँगै माओवादी केन्द्रबाट २–२ जना मन्त्री नियुक्त गरेका हुन् ।
कांग्रेसबाट बालकृष्ण खाँण गृहमन्त्री नियुक्त भएका छन् भने ज्ञानेन्द्रबहादुर कार्की कानुनमन्त्री भएका छन् । यस्तै माओवादी केन्द्रबाट जनादर्न शर्मा प्रभाकर अर्थ र पम्फा भुसाल ऊर्जामन्त्री बनेका छन् । नवनियुक्त चारैजना मन्त्रीले मंगलबार नै पद तथा गोपनीयताको शपथ लिएका छन् ।
सपथपछि सिहदरवार पुगेर प्रधानमन्त्री देउवा र मन्त्रीहरुले आफ्नो पदभार ग्रहण गरेका छन् ।
