एजेन्सी
मुम्बई

फिल्म यात्राको कैरियरमै दैनिक १६ घन्टासम्म लगातार काम गरेर अहिलेसम्मकै छोटो समयमा बलिउड अभिनेता अक्षय कुमारले लकडाउनकै बीचमा आफ्नो नयाँ फिल्म ‘बेल बटम’को सुटिङ सम्पन्न गरेका छन् । अक्षयले यो फिल्मको छायाँकन एक महिनामै सम्पन्न गरेका छन् । यो फिल्मको लागि सुरुमा दुई महिना देखि ७० दिनको छायाँकन मिति तय गरिएको थियो । तर कोरोना सँक्रमणका कारण लकडाउन जारी रहेपछि उनले डबल सिफ्टमा काम गरेर फिल्मको छायाँकन एक महिनामै सकेका हुन् ।

मुम्बईमा लकडाउन जारी रहेको बेला यो फिल्मको छायाँकन भएको हो । लकडाउन नसकिँदै फिल्मको छायाँकन सम्पन्न भएको हो । अक्षय कुमारका अनुसार अहिलेको अबस्थामा सबैजना परिवारबाट टाढा रहेर क्वारेन्टाईनमा बसी काम गर्नु पर्ने भएकाले दैनिक १६ देखि १८ घन्टासम्म फिल्मको छायाँकन गरिएको हो । आफुले बिगतमा १८ वर्षदेखि दैनिक ८ घन्टा अर्थात एक सिफ्ट मात्र फिल्मको छायाँकन गरेको अक्षयको कथन छ,‘तर मैले डबल सिफ्टमा दैनिक १६ घन्टा काम गर्दा छायाँकन चाँढै सकिने र सबै परिवारसँग निकट हुन पाउने भएपछि यसपटक १६ घन्टा दैनिक काम गरेको हुँ ।’ उनले सञ्चारकर्मीहरुसँग भने । यस अघि आफुले एउटा फिल्मको छायाँकन ४५ दिन देखि ७० दिनसम्म लगाएको पनि उनले बताएका छन् ।

यो फिल्म ४० वर्ष अघिको कथामा आधारित छ । जसमा अभिनेता अक्षयकुमार सन १९८० को दशकको एक जासुस पात्रको रुपमा प्रस्तुत भएका छन् । फिल्म सत्य घटनामा आधारित रहेको बताईएको छ ।

बेल बटममा अक्षय कुमारसँगै हुमा कुरेशी, लारा दत्त र वाणी कपुर लगायतका कलाकारको अभिनय रहेको छ । यो फिल्म सन २०२१ को २ अप्रिलमा रिलिज गर्ने घोषणा गरिएको छ । फिल्मको छायाँकन सकिएसँगै फस्ट लुक्स पनि सार्वजनिक गरिएको छ ।

यो फिल्मसँग जोडिएका सबै कलाकार तथा प्राविधिकहरुलाई यो एक महिनासम्म क्वारेन्टाईनमा बसेका हुन् । फिल्मको छायाँकनको क्रममा कोरोना भाईरसबाट कोही पनि सँक्रमण नहुन भन्दै कलाकार प्राविधिकहरु बाहिरी सम्पर्कबाट टाढा रहे । यसरी आफुहरुले क्वारेन्टाईनमा रहेर एक महिनामै काम सकेको पनि अक्षयकुमारले बताएका छन् ।