काठमाडौं, १८ बैशाख
मोडलिङमा समेत चर्चा कमाउदै आएकी लोक गायिका सुनिता अधिकारीको आफ्नो स्वरमा नयाँ लोकदोहोरी गीत पानको मिसी हुकुमको चौकाले…को भिडियो दर्शकमाझ ल्याएकी छिन् ।
दुई दिन अघि भिडियो सञ्जाल युटूब मार्फत रिलिज गरिएको यो भिडियो छोटो समयमै ५० हजार भन्दा बढी पटक दर्शकले हेरिसकेका छन् । गायिका सुनिता र गायक भगीरथ चलाउनेको स्वर रहेको यो भिडियोमा मायाँ प्रेमलाई समेटिएको छ । म्युजिक नेपाल र तिर्सना म्युजिक प्रालिले यसलाई वितरण गरेको हो ।
यसको भिडियोमा सुनिता अधिकारीसँगै रामजी खाँडको अभिनय छ । प्रकाश भट्ट निर्देशित यो भिडियो राजेश घिमिरेले खिचेका हुन् । जसमा विष्णु शर्माको सम्पादन छ ।
लमजुङ धुसेनीकी सुनिताले स्कूले जीवनदेखि नै गीत गाउन थालेकी हुन् । यी गायिकाले यो सहित ७ ओटा गीत बजारमा ल्याइसकेकी छन् । यस अघि सुनिताका मेरो लमजुङ घर…, चौबन्दिको तुना…, तीज गीत झलमल झलमल… लगायतका गीतहरु चर्चित छन् ।
यस्तो छ भिडियो–
