ब्युटी न्युज नेपाल
सर्लाही, १ जेठ
सर्लाहीमा बिहिबारसम्म कोरोना सँक्रमितको सँख्या ३ पुगेको छ । तर यहाँका बासिन्दाहरु कोरोना प्रति सचेत देखिएका छैनन् । लकडाउनको बेलामा पनि हल बाँधेर हिड्नै उनीहरु हाट बजारमा भिडभाडका साथ किनमेलमा व्यस्त देखिएका छन् ।
तस्बिरमा देखिएको दृश्य सर्लाही जिल्ला अन्तर्गतको बरहथवा नगरपालिकाको बजारको हो । गत वैशाख २७ गतेदेखि यहाँ दैनिक विहान ६ बजेदेखि ८ : ३० बजेसम्म बजार यसरी नै खोलिन्छ । वरपर थुप्रै वडाको प्रमुख बजार भएकाले यहाँ किनमेल गर्न आउनेको संख्या राम्रै छ । कोरोना भाइरस (कोभिड १९) को कारण नेपाल गत चैत्र ११ देखि लकडाउनमा छ । तर , तस्बिरमा देखिएको यो दृश्यले हाट बजारको झल्को दिन्छ ।
मानिसहरु विहानी समयमा किनमेल गर्न आइरहेका छन् । यद्दपी सावधानीको कुनै उपाए छैन । किनमेल गर्न आउने अधिकांसले मास्क लगाएका छैनन् भने पसलमा बस्ने व्यापारीले नत सेनिटाईजरको प्रयोग गर्छन नत पञ्जा नत मास्कनै प्रयोग गरेका छन् । विश्व स्वास्थ्य संगठनले भनेको केहि मापदण्ड पनि यहाँ लागु भएको छैन । सामाजिक दुरी कायम गर्ने त कुरै छाडौं । पसलमा एकै समयमा भिडभाड हुने हुँदा यहाँ स्थानीयमा कोरोनाप्रति चासो देखिएको छैन ।
लकडाउनकै समयमा पनि लुकिछिपी समान किनबेच हुने भएकोले बरहथवा नगरपालिकाले बजार खोल्ने अनुमति दिएको छ । तथापि बजार खोलेता पनि सावधानीको उपाए केहि अपनाएको छैन । नगरपालिका मेयर देवानन्द महतोले कुनै अनुगमन गरेका छैनन् ।
बजार पहिलेकै झैँ दैनिक ३ घण्टा खुल्ने गरेको छ । वैशाखको पहिलो साता यो बजार नजिकै रहेको धनकौलमा १४ वर्षीय पुरुषलाइ कोरोना संक्रमण देखिएको थियो । उनको उपचार हाल वीरगञ्जस्थित नारायणी अस्पतालमा भईरहेको छ । फेरी हिजो हरपुरका एक जना र आज बिहानमात्रै धनकौलका एक जनामा कारोना सँक्रमिण देखिएको छ ।
सर्लाहीबाट नजिकका जिल्लाहरु रौतहट , बारा र पर्सामा संक्रमितको संख्या बढ्दो छ । विशेष पर्सामा मात्र सँक्रमित सँख्या ८२ नाघेको छ । सर्लाहीमा पर्सा र बाराबाट आवत जावत गर्ने मान्छे छैनन् भन्न सकिन्न । मोटरबाटो नभई भित्रीबाट आरामले ओहर दोहर गर्न सकिने स्थानीय बताउछन् ।
यस्तो अवस्थामा नगरपालिकाले बजार खुलाएकोमा स्थानीय पनि सन्तुष्ट छैनन् । यस्तो अवस्थामा कोरोना भाइरस सम्बन्धि नगरपालिकाका सम्पूर्ण वडामा जनचेतना जगाउनु पर्ने स्थितिमा मेयर देवानन्द भने बजार खोल्ने तर्फ मोडिए । यस सम्बन्धमा मेयर देवानन्दसँग बुझ्न खोज्दा फोन सम्पर्क हुनसकेन । उनको यो वेवास्तापनले स्थानीय भने खुसी छैनन् ।
पत्रकार प्रदीप कार्कीको सहयोगमा
