ब्युटी न्युज नेपाल
काठमाडौँ, ६ फागुन
हिमालपारिको जिल्ला मुस्ताङको चिनारी बोकेको गीत ‘जोमसोम बजार’ सार्वजनिक गरिएको छ। सुमन पण्डितको शब्द तथा संगीतमा तयार भएको यस गीतमा लोकप्रिय गायक रामजी खाँड र गायिका सन्जु न्यौपानेको स्वर सुन्न सकिन्छ। गीतको संगीत संयोजन मदन केसीले गरेका हुन् भने मिक्सिङ कुमार रानाले गरेका छन्। ‘जोमसोम बजार’को म्युजिक भिडियोमा मोडलद्वय स्मारिका ढकाल र सुरेश कोल्हीको अभिनय रहेको छ।
भिडियोको निर्देशन तथा कोरियोग्राफी प्रकाश भट्टले गरेका छन्। भिडियोमा मुस्ताङका प्रमुख पर्यटकीय तथा धार्मिक स्थलहरू मुक्तिनाथ, ढुम्बाताल, कुछपतेरङ्गा गुम्बा, ठिनी, जोमसोम बजार, मार्फा र कागबेनी लगायतका स्थानहरूको आकर्षक दृश्य समेटिएको छ।
करन चैंसिरको छायांकन र विनोद बमको सम्पादन रहेको यस गीतका प्रस्तुतकर्ता बादल थकाली हुन्। शुभकामना मिडिया सोलुसनको ब्यानरमा निर्माण भएको ‘जोमसोम बजार’ प्रस्तुतकर्ता बादल थकालीको अफिसियल युट्युब च्यानल ‘मुस्ताङ लभर’मार्फत सार्वजनिक गरिएको हो।
