‘रमिता को पिरति’को टिजर सार्वजनिक


ब्युटी न्युज नेपाल
काठमाडौँ, १३ मंसिर

आगामी २३ माघमा रिलिज हुने नेपाली चलचित्र ‘रमिताको पिरती’को अफिसियल टिजर युट्युबमार्फत सार्वजनिक गरिएको छ । टिजरमा अन्ना शर्मालाई प्रेम, रोमाञ्च, खुशी, दुःखदेखि हृदयवेदना सम्मका विभिन्न भावनात्मक अवस्थाहरूमा देखाइएको छ, जसले फिल्मले एउटा युवतीको गहिरो कथा बोकेको संकेत गर्छ ।

टिजरमा अभिनेत्री अन्ना शर्मा, धिरज मगर, समिर श्रेष्ठ र विनय श्रेष्ठको मुख्य भूमिका देख्न सकिन्छ। लोकप्रिय गायक समिर श्रेष्ठले यसै फिल्मबाट आफ्नो अभिनय यात्रा सुरु गर्दै मुख्य भूमिकामा देखिएका छन् । टिजर हेर्दा फिल्म केही फरक लाग्छ । एक यूवतीको मनोविज्ञानलाई फिल्मले बोलेको देख्न सकिन्छ । सेरो फिल्मस्को प्रस्तुतिमा यो फिल्म तयार भएको हो ।

चलचित्र रमिताको पिरती विशेष रूपमा एक महिला पात्रको कथा प्रस्तुत गर्छ, र झनै रोचक कुरा फिल्मलाई लेखन र निर्देशन महिला निर्देशक सुदीप्ताले गरेकी छन्।

फिल्म आउँदो भ्यालेन्टाइन २०२६ अर्थत माघ २३ मा सार्वजनिक हुँदैछ। फिल्मका निर्माता सागर लम्साल हुन् । फिल्मलाई एप्पल इन्टरटेन्मेन्ट, रिच इन्टरटेन्मेन्ट र एफडी कम्पनीले वितरण गर्नेछन् । अफिसियल टिजर बुढा सुब्बा डिजिटलको आधिकारिक युट्युब च्यानलमा हेर्न सकिन्छ ।