ब्युटी न्युज नेपाल
काठमाडौं, १४ मंसिर
‘अभिमन्यु ः च्याप्टर–१’ नेपाली र हिन्दी दुवै भाषामा नेपालमा यही शुक्रबारबाट रिलिज हुने भएको छ । आखिर नेपालमा नेपाली हुँदा हुँदै हिन्दी भाषामा किन रिलिज गर्नु पर्यो भन्ने धेरैलाई जिज्ञासा हुन सक्छ । हिन्दी भर्सनलाई भारतमा रिलिज गर्ने भनिएकोमा भारतमा सेन्सर गर्न समय लाग्ने र त्यहाँको लागि उपयुक्त वितरकले वितरण गर्ने सम्झौता समेत नभएपछि निर्माण पक्षले हिन्दी भाषाको चलचित्रलाई पनि नेपालमा रिलिज गर्न लागेको हो । अब यसलाई ओटिटी मार्फत भारतसहित विभिन्न देशमा हिन्दी संस्करण रिलिज गरिने भएको छ ।
सेभेन सिज सिनेमाको प्रस्तुति निर्माण भएको ‘अभिमन्यु ः च्याप्टर १’मा कामेश्वर चौरसिया, सरिता गिरी, किरण श्रेष्ठ, लक्ष्मी बर्देवा, गौमाया गुरुङ, प्रकाश दाहाल, शिशिर वाङ्देल मुख्य भूमिकामा छन् ।
सुशान्त गौतमले निर्देशन गरेको ‘अभिमन्यु’को क्रिएटिभ निर्देशक मदन थापा हुन् । यस चलचित्रमा मुकेश खनालको लेखन रहेको छ ।
शरद महतोको डिओपी रहेको यस चलचित्रमा मनोज श्रेष्ठको भिएफएक्स, जुनिम गहतराजको रंग संयोजन, मदन घिमिरेको सम्पादक रहेका छ । यो चलचित्र भाषामा नेपालका साथै भारत र विश्वव्यापी रूपमा प्रदर्शन गरिँदै छ ।
‘अभिमन्यु ः च्याप्टर १’ का निर्माता विनोद पौडेल र गुञ्जन गिरी हुन् । रमेश चौलागाईं र हरि श्रेष्ठ सह–निर्माता रहेको चलचित्रका कार्यकारी निर्मातामा विशाल लामा, हरि मोक्तान, कृष्ण भट्टराई, नीराजन लुइँटेल र सन्देश श्रेष्ठ रहेका छन् । सिनेमाको लाइन प्रोड्युसरमा जीवन शाक्य रहेको छन् ।




