ब्युटी न्युज नेपाल
काठमाडौँ, ११ मंसिर
पछिल्लो पुस्ताकी लोकप्रिय लोक गायिका ज्योती मगरको आज ११ गते बिहिबार ‘दोस्रो लिखु छहरे महोत्सव २०८२’मा भव्य प्रस्तुति रहने छ । ज्योतीका थुप्रै लोकप्रिय गीतहरु छन् । महोत्सवमा आज आफूसँगै चर्चित गीतहरुमा नाच्नको लागि नुवाकोटका सबै प्रिय दर्शकहरुले गायिका ज्योती मगरले यो महोत्सवमा निमन्त्रणा गरेकी छिन् ।
नुवाकोटको लिखु गाउँपालिका वडा नं. ६ स्थित छहरे बजारमा बिगत एक हप्तादेखि चलिरहेको ‘दोस्रो लिखु छहरे महोत्सव २०८२’मा हरेक दिन दिउँसो २ बजेपछिबाट सांगीतिक कार्यक्रम सुरु हुने गरेको छ । सो सांगीतिक कार्यक्रममा देशका राष्ट्रिय तथा स्थानीय कलाकारहरुले गीत, संगीत, नृत्य तथा प्रहसन प्रस्तुत गरिरहेका छन् । यसै क्रममा आज बिहीबार दिउँसो यो महोत्सवमा स्थानीय कलाकारसँगै लोकप्रिय गायिका ज्योती मगरको भव्य प्रस्तुति रहने छ ।
यो महोत्सव आयोजक एवम् लोकप्रिय बरिष्ठ गायक नमराज ढुंगानाको पनि आज विशेष प्रस्तुति रहने छ । सैयौँ हिट गीतबाट लोकप्रियता हाँसिल गरेका नमराजले आज दर्शकको चाहना अनुसारको गीत प्रस्तुत गर्ने बताएका छन् । यसै गरी आज बिहीबार नै रोजी रुम्बा, रिता गुरु, एलिसा ठकुरी, ठाकुरा लामा, उत्तम भण्डारीको पनि विशेष प्रस्तुति रहने छ ।
कार्यक्रमलाई गीत संगीतका साथ रमेश श्रेष्ठ मेलोडीले प्रस्तुत गर्ने छन भने प्रताप हुमाईगा (झुले)ले आफ्नो प्रहसनबाट दर्शकलाई हँसाउने छन् । आजै कलाकार सरोज जंग थापाको पनि विशेष प्रस्तुति रहने छ ।
यो महोत्सव लिखु गाउँपालिकाको सहयोग तथा राष्ट्रिय लोक सांस्कृतिक प्रतिष्ठान नेपालद्धारा आयोजनामा ३ मंसिरबाट छहरेमा भव्य रुपमा चलिरहेको छ । यस महोत्सवमा विभिन्न स्थानीय कृषी उत्पादनको बिक्रीसँग सांस्कृतिक प्रस्तुतिहरु नियमित रुपमा हुने गरेको छ ।
महोत्सव संयोजक सुवास महतका अनुसार महोत्सवमा स्थानीय देखि राष्ट्रिय स्तरका कलाकारको प्रस्तुति रहने भएकाले दैनिक दर्शकहरुको उल्लेख्य सहभागित हुने गरेको छ । उनका अनुसार यो महोत्सव १४ मंसिरसम्म छहरेमा जारी रहने छ । महोत्सवका अध्यक्ष नमराज ढुंगानाका अनुसार स्थानीय उत्पादन तथा कृषी उत्पादनहरुलाई महोत्सवमा प्रवर्धन गरिएको छ । यसले स्थानीय पर्यटन पर्वधनमा समेत उल्लेख्य फाईदा पुगेको छ ।
