ब्युटी न्युज नेपाल
काठमाडौँ, २२ असोज
१३ असोज फूलपातीका दिन रिलिज भएका तीन वटा नयाँ नेपाली चलचित्रको आठ दिनको बक्स अफिस रिपोर्ट चलचित्र विकास बोर्डले आज सार्वजनिक गरेको छ । यसपाली दसैँमा चलचित्रहरु ‘हरिबहादुरको जुत्ता’, ‘माइतीघर’ र ‘बलिदान’ रिलिज भएका थिए ।
गत सोमबार रिलिज भएका यीत तीन चलचित्रले हिजो आठौँ दिन मंगलबार बेलुकासम्म कुल ९ करोड १० लाख ८८ हजार १०३ रुपैयाँ ग्रस व्यापार गरेको छ । यो व्यापार गत वर्षको दसैँको तुलनामा आधा हो ।
यी तीन चलचित्र मध्य ८ दिनमा ‘बलिदान’ले ८ दिनमा ३ करोड ७५ लाख ५३ हजार २५१ रुपैयाँको व्यापार गरेको छ । यस्तै चलचित्र ‘हरिबहादुरको जुत्ता’ले आठ दिनमा बक्स अफिसबाट ३ करोड २१ लाख ७० हजार १६० रुपैयाँको व्यापार गरेको छ भने अर्को चलचित्र माइतीघरले ८ दिनमा नेपालको बक्स अफिसमा २ करोड १३ लाख ६४ हजार ६९२ रुपैयाँको ग्रस व्यापार रहेको छ ।
यी तीन वटा चलचित्रमा अहिलेसम्म सबैभन्दा बढी व्यापार बलिदानले गरेको भए पनि पहिलो दिनको तुलनामा बलिदानको ब्यापार घट्दै गएको छ । हरिबहादुरको जुत्ता र माइतीघरको ब्यापार अहिले पनि पहिलो दिन भन्दा राम्रो छ । यी दुबै चलचित्रले बलिदान भन्दा पछिल्लो समय राम्रो सोजहरु पनि पाएको छ ।
