ब्युटी न्युज नेपाल
काठमाडौं, २२ साउन
बिगत जस्तै यो वर्षको तीजका लागि पनि सञ्चारकर्मी शारदा थापाको नयाँ तीज भाका ‘तीजको लहर, गाउँ सहर…’ को भिडियो दर्शक श्रोतामाझ ल्याएकी छिन् । यो गीतमा शब्द जीवन प्याकुरेलको छ भने लय जय देवकोटाको रहेको छ ।
विगत वर्षहरुमा तीज आउनुअघि नै हजारौं तीज गीत सार्वजनिक हुने गरे पनि यो वर्ष कोरोना महामारीका कारण कमी आएका बेला थापाको तीज गीत सार्वजनिक भएको छ । सञ्जय श्रीपालको संगीत संयोजन रहेको थापाको गीतको भिडियोमा छायाँकन वीरेन्द्र भट्टले गरेका छन् भने सम्पादन अमृत चापागाईले गरेका छन् ।
गायिका थापा स्वयमले अभियन गरेको म्युजिक भिडियोको निर्देशन मदन खड्काले गरेका हुन् । म्युजिक भिडियो थापाको आफ्नै शारदा क्रियशन्स युट्युब च्यानलमार्फत सार्वजनिक गरिएको हो । टेलिभिजन पत्रकारितामा व्यस्त थापाको यो तेस्रो तीज गीत भएको बताइएको छ ।
