ब्युटी न्युज नेपाल
काठमाडौं, २३ कात्तिक
पछिल्लो समय चर्चामा रहेका र्यापर भि टेन (समिर घिसिङ) को स्वरमा चलचित्र सरौंतोको शिर्ष गीतको भिडियो शुक्रबार बेलुका रिलिज गरिएको छ । भिटेनले १३ मंसिरमा रिलिज हुने लागेको चलचित्र ‘सरौतो’को प्रमोशनल गीत गाएका छन् ।
यो शिर्ष गीतमा भिटेनकै शब्द तथा संगीत पनि छ । फिल्म सार्वजनिक टिजर मनपरेपछि भिटेनले गीत तयार गरेका हुन् । यो गीतको भिडियोमा भिटेन आफै पनि देखिएका छन् । नेपाली चलचित्रका लागि आफुले पहिलोपटक तयार पारेको यो गीत भएको भिटेनले बताएका छन् ।
गीतलाई निर्माण पक्षले सार्वजनिक गरेको हो । रुथलेस बिट्जको संगीत र मिक्सिङ्ग रहेको गीतले दर्शकको मन जित्ने विश्वास निर्माण पक्षको छ । गीतलाई ’सरौतो’ टाइटलमै रिलिज गरिएको हो ।
गीतमा मार्फत भिटेनले अन्याय सहन नहुने भाव व्यक्त गरेका छन् । गीतमा भिटेनको साथमा सरौतोकी मुख्य अभिनेत्री सुमी मोक्तान पनि प्रस्तुत भएकी छिन् । गीतलाई तिहारको छेकोमा छायाँकन गरिएको हो । गीतमा भिटेन केहि फरक अन्दाजमा प्रस्तुत भएका छन् । फिल्मकै अवधारणा अनुसार गीतलाई तयार गरिएको छ । गीतलाई फिल्मकै निर्देशक हरी हुमागाईंले यसलाई तयार गरेका हुन् ।
यसको भिडियोलाई समीर गुरुङले सम्पादन गरेका हुन् । म्युजिक भिडियो र एडमा चिनिएको नाम हरीले यसै फिल्म मार्फत निर्देशनमा समेत डेब्यु गर्दैछन् । यो चलचित्रमा सुमीसँगै लियो ट्यांक, सन्नी सिंह, आमिर गौतम, अरुणा कार्की, सुवाङ्गम शाह, लियो ट्यांक , विजय लामा, धिरेन शाक्य, युवराज लामा, मनिषा पुन मगर, प्रतिक दुलाल, राजेश रोय, मनोज तामाङलगायतको अभिनय छ । फिल्ममा बदलाको कथा देखाइएको छ ।
फिल्ममा राघव कृष्ण गौतमको लेखन, उत्तम हुमागाईको छायांकन, निमेष श्रेष्ठको सम्पादन, प्रविन मानन्धरको कलर , ब्याक ग्राउण्ड स्कोर ग्लिटर स्टूडियो , शंकर महर्जनको एक्सन रहनेछ । यसमा राजन राज शिवाकोटी, पुष्पन प्रधान, कमल खत्री, भिटेनको संगीत रहेको छ भने राजन, पुष्पन र कमलसँगै मिलन अमात्य, भिटेन, श्रेया सोतांगको स्वर दिएका छन् । यसलाई काठमाडौँ , सिम्रौनगठ लगायतका तराइको स्थानमा मुख्य रुपमा छायांकन गरिएको छ ।
बिराञ्जना इन्टरटेनमेन्ट, स्क्वायर वान क्रिएसन, राइजिङ्ग फिल्म्स एण्ड ग्लिटर स्टुडियोको ब्यानरमा निर्माण भएको फिल्मलाइ उपत्यकामा गोपालकाजी कायस्थ र मोफसलमा एफडी कम्पनिले वितरण गर्नेछ ।
