ब्युटी न्युज नेपाल
काठमाडौं, २९ जेठ
आगामी १३ भदौबाट रिलिज हुने चलचित्र ‘मारुनी’को डान्सिङ प्रधान गीत जाम्न माया जाम…को भिडियो काठमाडौंमा मँगलबार एक समारोहबीच रिलिज गरिएको छ । भिडियोमा अभिनेत्री नायिका साम्राज्ञी राज्यलक्ष्मी शाहलाई हट अबतारमा उतारिएको छ । उनको ठुम्का निकै आकर्षक छ ।
यो गीतको भिडियो अभिनेता पुष्प खड्का र अभिनेत्री साम्राज्ञीको डान्स छ । गु्रप डान्स युक्त यो भिडियो निकै आकर्षक बनेको छ । गीत पनि पार्टीमा बज्ने शैलीको छ । गीतको भिडियो बलिउड शैलीमा बनाईएको छ । सो गीतबारे अभिनेत्री साम्राज्ञीले भनेकी छिन्,‘चलचित्रका कतिपय दृश्य गर्दा मलाई डर पनि लागेको थियो । तर, निर्मात्री पूनम गौतमले राम्रो छ भन्दा काम गर्न हौसला मिल्थ्यो ।’
अभिनेता पुष्प खड्काले गीतको बारेमा भने,‘म पहिलेदेखि नै बलिउडका गीत हेरिरहन्थेँ । उनीहरुको फरक खालको डान्स मुभ आफूले पनि गर्न पाए हुन्थ्यो भन्ने लाग्थ्यो । यो गीतको भिडियोमा मैले सानो भएपनि त्यो कोशिश गर्न पाएको छु ।’
यो गीतलाई गायक दिपक बज्रचार्यले गायक हुन् । गीतलाई अर्कै ज्यान दिएको बज्राचार्यले बताए । उनले, चलचित्रमा काम गर्ने मौका पाएको भन्दै कुनै कमीकमजोरी हुन नदिएको बताए ।
यो चलचित्रलाई नवल नेपालले निर्देशन गरेका हुन् । पूनम इन्टरटेन्मेन्टको ब्यानरमा निर्माण भएको चलचित्र ‘मारुनी’को यो पहिलो सार्वजनिक गीत हो । दिपक बज्रचार्यको स्वर तथा संगीत रहेको यो गीतमा रिक्की शाक्यको शब्द छ । सार्वजनिक गीत ‘जाम्न माया जाम’लाई क्लबमा छायांकन गरिएको हो । सञ्जय लामाले यसलाई खिचेका हुन् । गीतको भिडियोलाई प्रविण सिंहले कोरियोग्राफी गरेका हुन् ।
चलचित्रमा राजा प्रधान,दर्शना केसी र मिना क्षेत्रीको सह लगानी छ । फिल्मको मुख्य निर्माता पुनम क्षत्री गौतम हुन् ।
