ब्युटी न्युज न्युज नेपाल
काठमाडौं, १३ बैशाख
धुर्मुस सुन्तली फाउण्डेशनले निर्माण गर्ने ‘गौतम बुद्ध अन्तर्राष्ट्रिय क्रिकेट रँगशाला’ निर्माण अभियान सफल बनाउन कलाकारहरुले विभिन्न सहयोग गर्दै आएका छन् । यसै क्रममा लोक गायक बद्रि पंगेनी र गायिका पुर्णकला बिसीले क्रिकेट गीत गाएका छन् ।
यो गीतलाई सार्बजनिक गरिएको छ । रँगशाला निर्माणका लागि ससबैलाई आग्रह गर्दै उनीहरुले क्रिकेट सम्बन्धि गीत सार्बजनिक गरेका हुन् । ‘रँगशाला बन्छ नेपालीको…’ बोलको यो गीतलाई दुर्गा पंगेनीले लेखेका हुन् । जसमा संगीत बद्रि पंगेनीले नै दिएका छन् । गीतमा बद्रीलाई स्वरमा पूर्णकला बिसीले साथ दिएकी छिन् ।
खेलाडीहरुले संसारभर नेपाल चिनाईरहेको बेला रङ्गशाला अनिवार्य आवश्यक रहेको र नेपालीहरु मिलेर रङ्गशाला निर्माणमा सहयोग गर्नुपर्ने गायक पंगेनीले बताएका छन् । गीत धुर्मुस सुन्तलीको अफिसियल युट्युव च्यानलबाट सार्बजनिक गरिएको छ ।
हरेक नेपालीको सपना, देशको गौरवको परियोजना नेपालीले नै सफल बनाउनुपर्ने जस्ता भाव बोकेको गीतको भिडियो सुदिप बरालले खिचेका हुन् । शंकर बिसीले निर्देशन गरेका यो भिडियोमा धुर्मुस सुन्तलीले गरेका उदाहरणीय कार्यहरु समावेश गरीएको छ ।
