व्युटी न्युज नेपाल
काठमाडौं, २२ असोज
अभिनय भन्दा गायनमा व्यस्त रहेकी अभिनेत्री सारिका घिमिरे दिल टुटेको कसरी भनु भन्दै… आएकी छन् । युट्युवबाट सार्वजनिक गरेको नयाँ गीतमा उनले यस्तो पीडा पोखेकी हुन् ।
सारिकाकै शब्द, स्वर र संगीत रहेको गीत दिल टुटेयो कसरी भनु म…मा उनी आफैं मोडलको रुपमा प्रस्तुत भएकी छिन् ।
विरेन्द्र भाट ‘विपिन’को निर्देशन रहेको गीतको भिडियोलाई सुशिल डाँगीले छायाँकन र विरेन्द्रले नै सम्पादन गरेका हुन् । गीत मिठो बनेको छ ।
गतवर्ष मोहनी एल्बम श्रोतामाझ ल्याएकी सारिकाले यो एकल गीत रिलिज गरेकी हुन् । पछिल्लो समय चलचित्र अभिनय भन्दा गायनमा व्यस्त रहेकी सारिकाले भनिन्,‘गायनमा मेरो पहिलो प्राथमिकता यो त्यो भन्ने छैन सबै प्रकारका गीत गाएकी छु र गाउँन सक्छु ।’
