व्युटी न्युज नेपाल
काठमाडौं, २५ साउन
आगामी १२ असोजमा रिलिज हुने चलचित्र ‘कथा काठमाडौं’ मा समावेश दोस्रो गीत जुन अनि तारा…को भिडियो रिलिज भएको छ । यसफिल्ममा प्रियंका कार्की, आयुष्मान डिएस जोशी, संजोग कोइराला, सन्ध्या केसी, प्रेक्षा अधिकारी, प्रमोद अग्रहरीको मुख्य भूमिका छ ।
गीतमा यी सबै कलाकारलाई जोडीको रुपमा देखाइएको छ । यो गीत सुगम पोखरेलले गाएका छन् । गीतमा शब्द ईशा सुब्बाको रहेको छ । संगीत दिपेश सुब्बाले दिएका छन् । गीतको कोरियोग्राफी पनि फिल्मकै निर्देशक संगीता श्रेष्ठले गरेकी छिन ।
कान्तिपुर टेलिभिजनमा टेलिफिल्म ’कथा प्रेमका’ निर्देशन गर्दै आफुलाई भिजेसँगै निर्देशकको रुपमा समेत परिचित गराएकी संगीता यसै फिल्म मार्फत निर्देशनमा डेब्यु गर्दै्छिन । काठमाडौंलाई आफ्नो कर्मभुमि बनाएर रहिरहेका भिन्न भिन्न पात्रको कथालाई यसमा चित्रण गरिएको छ ।
आहाना फिल्मको ब्यानरमा निर्माण भएको फिल्ममा विजय राइको लगानी छ । फिल्ममा गायिका इन्दिरा जोशी पनि विशेष भूमिकामा देखिदैछिन । फिल्मलाई लुजा सिंहले खिचेका हुने भने यसलाई मित्र गुरुङले सम्पादन गरिरहेका छन् । फिल्मको पटकथा भने निर्देशक श्रेष्ठले नै लेखेकी हुन् ।
