व्युटी न्युज नेपाल
काठमाडौं, १० साउन
११ साउनबाट प्रदर्शनमा आउँने चलचित्र ‘रोमियो एण्ड मुना’मा अभिनेत्री तथा पूर्व मिस नेपाल श्रृष्टी श्रेष्ठ चित्रकारको रुपमा देखिदै छन् । आफुले ६ महिना चित्रकलाको प्रशिक्षण लिएर यो चलचित्रमा आफु चित्रकारको रुपमा आएको यी नायिकाले बताएकी छिन् । रोमियो एन्ड मुनामा एउटा चित्रकार महिलाको भूमिका आफुले निर्बाह गरेको उनले बताएकी छिन् ।
‘रोमियो एण्ड मुनामा मेरो गाउँले मुनाको भूमिका रहेको छ । चलचित्रले आफुलाई बास्तविक रुपमै चित्रकार बनाएको छ ।’ श्रृष्टीले भनिन् । ‘रोमियो एन्ड मुना’ प्रदर्शनपछि आफ्नो चलचित्र करियरमा धेरै परिवर्तन आउँने श्रृष्टीले बताइन् ।
‘गाजलु’ चलचित्रबाट अभिनयमा होमिएकी श्रृष्टीको मुख्य भुमिका रहेको यो दोस्रो चलचित्र हो । अघिल्लो चलचित्र गाजलुमा अनमोल केसीको नायिका बनेकी श्रृष्टिले रोमियो एन्ड मुना रिलिज भएपछि दर्शकले आफुलाई बिनयको नायिका भनेर सम्बोधन गर्ने जिकिर गरिन् । तर आफुलाई कसैसँग नाम जोडिएको मन नपर्ने पनि उनले बताईन् ।
श्रुष्टि र बिनयले एकसाथ काम गरेको यो नै पहिलो चलचित्र हो । बिनय धेरै चलचित्रमा राम्रो भुमिकमा देखिसकेका ब्यक्ति हुन् । यस हिसावले पनि बिनयसँग कामगर्दा केही अब्ठ्यारो त भएन ? प्रश्न राख्न नपाउदै श्रृष्टिले भनिन् ‘बिनयसँग काम गर्दा डर त थिएन । किनभने उसको अप्रोज नै राम्रो हुन्छ । उसले सबैसँग गर्ने ब्यवहार पनि राम्रो छ ।’
