व्युटी न्युज नेपाल
काठमाडौं, १० असार
शुक्रवारबाट मुलुकका ७० भन्दा बढी सिनेमाहलमा प्रदर्शनमा आएको फिल्म ‘तिमी हुन्छौ जहाँ जहाँ’ ले शनिबारबाट व्यबासायिक पिकअप लिएको छ ।
यसका निर्माता मदन दवाडीका अनुसार विश्वकप फुटबलका कारण शुक्रबार बिहानी र बेलुकाको शो केही कमजोर भए पनि शनिबारबाट यसले राम्रो व्यापार गरेको छ ।
आफ्नो चलचित्र शनिबार बिहानै देखि हाउसफुल भएको उनले बताए । मल्टिप्लेक्ससँगै सिँगल थिएटरमा पनि तिमी हुन्छौ जहाँ जहाँले दर्शकको राम्रो साथ पाईरहेको पनि निर्माता दवाडीले बताए ।
शनिबार हाउसफुल भएको आफ्नो चलचित्रले आईतबार ७५ देखि ७५ प्रतिसतसम्म दर्शक पाएको पनि मदनले जानकारी गराए । उनका अनुसार सिनेमाको कथा र बिषयबस्तुलाई दर्शकले मन पराईरहेका छन् ।
चलचित्र तिमी हुन्छौ जहाँ जहाँका अभिनेता मनिषसुन्दर श्रेष्ठ, अभिनेत्री तमन्ना केसीलगायतका कलाकार शनिवार दिउँसो काठमाडौंको गोपिकृष्ण, अष्टनारायण लगायतका सिनेमा हलमा पुगेका थिए । सो क्रममा दर्शकबाट घेरिएका यी कलाकारसँग दर्शकले सेल्फी खिचे । यी कलाकारको कामको दर्शकले खुलेर प्रसँसा गरे ।
तिमी हुन्छौ जहाँ जहाँमा मनिषसुन्दर र तमन्नासँगै मलिना जोशी, विश्व बस्नेत, गीता अधिकारीसहितका कलाकारको अभिनय छ ।
मदन दवाडीसँगै यो चलचित्रमा डालचन्द्र दवाडी, हरीप्रसाद अधिकारी र प्रकाश बाँस्कोटा निर्माता तथा विना कार्की सह निर्मात्री रहेका छन् । यो चलचित्रलाई विकाश बस्यालले निर्देशन गरेका हुन् । यसको कथा पनि उनकै हो ।
