व्युटी न्युज नेपाल
काठमाडौं, ३१ बैशाख
नेपालमै पहिलो पटक १९२ फिट लामो युसेफ र्याम्प स्टेज सहित बृहत फेशन शो आयोजना हुने भएको छ । यती लामो र्याम्पमा सोल्टी क्राउन प्लाजाको रोज गार्डेन थिएटरमा आयोजना हुने ‘दलजित सुदान फेसन रनवे २०१८’ आयोजना हुन लागेको हो ।
अन्तराष्ट्रिय फेशन शोमा आफ्नो फेशन सो प्रस्तुत गरिसकेकी चर्चित फेशन डिजाईनर दलजित सुदानको एकल फेशन सोका लागि यती ठुलो स्टेज बनाईएको हो ।
थुप्रै फेसन सो मार्फत आफ्ना डिजाइनहरु प्रस्तुत गरिसकेकी सुदानको यो पहिलो एकल सो हो । फेसन सोका लागि आफु निकै उत्साहित रहेको डिजाइनर सुदानले बताइन्, ‘अहिलेसम्म र्याम्पमा प्रस्तुत नभएका र नेचुरल डिजाइनले सोमा प्रथामिकता पाउनेछन्’ उनले भनिन् ।
नग्मा श्रेष्ठ, आस्था पोखरेल, सविता कार्की, सुस्मिता थापा, बिबेक खड्का लगायत नेपालकै लोकप्रिय तथा ब्यवसायी उत्कृष्ट २४ मोडल यो फेशन शोका लागि र्याम्पमा प्रस्तुत हुने छन् । आगामी ११ जेठ अर्थात २५ मे)मा यी मोडल एकसाथ र्याम्पमा उत्रिन लागेका हुन् । साँझ ६ बजेबाट सुरु हुने यो फेशन शो तीन घन्टासम्म चल्नेछ । सोले नेपाल पनि फेसनको मावलमा अगाडी छ भन्ने सन्देश अन्तराष्ट्रिय जगतमा पुर्याउने आयोजकको बिश्वास रहेको छ
।
यो फेसन सो अहिले सम्मकै उत्कृष्ट शो हुने आयोजक पक्षले सोमबार आयोजित पत्रकार भेटघाटका क्रममा बताएको छ । सोमा नेपालका सुप्रसिद्ध फेसन डिजाइनर दलजित सुदानले तयार पारेको बिभिन्न अन्तराष्ट्रिय स्तरका पहिरनहरु प्रस्तुत हुने आयोजक नेक्स्ट मोडल नेपालका अध्यक्ष रबी धमलाले बताए ।
सोल्टी क्राउन प्लाजामा आयोजित कार्यक्रममा यो सोपछि नेपालको फेसन उद्योगले बेग्लै छलाङ मार्ने नेक्स्ट मोडल नेपालका अध्यक्ष धमलाले भने, ‘यो फेशन शोले नयाँ पिडिलाई समेत फेसन प्रति आकर्षित गर्छ । मोडललाई समेत स्थापित हुन उत्प्रेरण दिनेकाम पनि गर्नेछ ।’
१६ महिला र ८ पुरुष मोडलले जफ्रानको जादु, पारदर्शिता र परम्परागत गरि तीन सिक्वेसमा डिजाइनर सुदानले तयार पारेका आकर्षक फेसनहरु प्रदर्शन गर्नेछन् । र्याम्पमा देखिने सबै मोडल उत्कृष्ट मोडल हुने भएकोले सो टपर पनि सबै मोडल भएको आयोजकको भनाई छ ।
पत्रकार भेटघाट कार्यक्रममा मिस नेपालकी कोरियोग्राफर रचना गुरुङले दलजित सुदानका डिजाइनसँग आफु राम्रोसँग परिचित भएको बताउदै सो फेसन पारखीहरुका लागि सरप्राइज हुनेछ भनिन् । उनले सोमा प्रस्तुत हुने पहिरन अहिलेसम्मकै फरक हुने दाबी गर्दै सबैले लाभ उठाउनु पर्ने धारण राखिन् ।
पहिलो मिस नेपाल युनिभर्स नग्मा श्रेष्ठले दलजित सुदानका पहिरन आफुले केही पहिले देखी फलो गर्दै आएको बताइन्,‘म पनि फेसन सोको हिस्सा बन्न पाएकोमा निकै खुसी छु । यस्ता खालका सो सायदै बिरलै हुन्छ ।
