ब्युटी न्युज नेपाल
काठमाडौँ, १६ माघ
सहिद दिवसको दिन पारेर आज शुक्रबारबाट नेपाली चलचित्र ‘आ बाट आमा’ देशव्यापी चलचित्र घरमा रिलिज भएको छ । यो चलचित्रको हिजो बेलुका काठमाडौँमा भव्य प्रिमियर गरिएको थियो । प्रिमियरमा यो चलचित्रले सबैलाई भावुक बनायो ।
चलचित्र निर्देशक चन्द्र पन्तका अनुसार ‘आ बाट आमा’ मुलुकका १३० भन्दा बढी चलचित्र घरमा प्रदर्शन भईरहेको छ । यो चलचित्रले करिब १८० वटा सो पाएको छ । शुक्रबार मध्यान्नसम्म धेरै जसो सोमा अक्युपेन्सी राम्रो रहेको पनि निर्देशक पन्तले बताए । आज दिउँसोको शोमा करिब ८० प्रतिशतसम्म अक्युपेन्सी यसमा रहेको छ । चलचित्रले शनिबार राम्रो व्यापार गर्ने निर्माण पक्षको विश्वास छ ।
चलचित्रले सन्तान प्रति आमा बुबाको कतव्य र दायित्वबारे बोध गराएको छ । सोही कारण यो चलचित्रले हरेक प्रकारका दर्शकलाई मन छुने पनि निर्देशक पन्तले दाबी गरे ।
यो चलचित्रमा पल शाह, विपना थापा, प्रदीप रावत (गजनी भिलेन), उषा उप्रेती, सिम्रन पन्त, साइग्रेस पोखरेल, रचना गौतम लगायतका कलाकारहरूको अभिनय रहेको छ ।
