ब्युटी न्युज नेपाल
काठमाडौँ, २३ मंसिर
नेपाली चलचित्र ‘मालती मंगले’ छायांकनको अहिले अन्तिम चरणमा पुगेको छ । यसै क्रममा यो चलचित्रको छायांकन हुन दुई गीत मध्य ‘ढंगा माथि लेउ…’ गीतको भिडियो खिचिएको छ । यसै वर्षको अन्त्यतिर प्रदर्शनमा आउने यो चलचित्रको यस गीतमा एसडी योगीको संगीत रहेको छ । यो गीतलाई रामकृष्ण ढकाल र रीतिका श्रेष्ठले स्वर दिएका छन् भने शब्द हर्क साउदको हो । गीतको एरेन्जिङ रिकेश गुरुङले गरेका छन्।
गीतको भिडियोमा अभिनेता विजय बराल र अभिनेत्री वर्षा राउतले रोमान्टिक नृत्य हेर्न पाईन्छ । चलचित्रमा विजय बराल, वर्षा राउत र मेक्सम गौडेल मुख्य भूमिकामा छन्। साथै सुवर्ण थापा, प्रकाश घिमिरे, सरिता गिरी, सुस्मा निरौला, सुनिल तामाङ, उमेश सुनाम, शकु शाह, सुचित्रा उप्रेती, दिनेश शाही, रिजन परियार, तारा शर्मा, गीता श्री, राज पङ्गेनी, सुस्मिता गुरुङ र सागर भट्टराईलगायत कलाकारहरूको पनि उपस्थिति रहेको छ।
यो गीतको भिडियोको छायांकन सिनेमाटोग्राफर अर्जुन तिवारीको फ्रेममा सोमवार काठमाडौंको जर्सिङ पौवामा छायाङ्कन भयो भने मंगलबार आज इन्द्रावती नदीमा निरन्तरता दिइयो । निर्माण टिमका अनुसार यो गीतपछि अर्को एक गीतको छायाङ्कन बाँकी छ, जसपछि चलचित्रको सम्पूर्ण छायाङ्कन पूर्ण हुनेछ ।
रानी म्युजिक इन्टरनेशनल प्रा.लि.को ब्यानरमा युनी इन्टरटेनमेन्टको सहकार्यमा निर्माण भइरहेको चलचित्रका निर्माता रामकृष्ण ढकाल हुन् भने सह–निर्मातामा बाबु सुवेदी, रविन श्रेष्ठ, वेदना कर्माचार्य श्रेष्ठ, पद्मावती गुरुङ र स्वीकृति बस्नेत छन्। निर्देशक प्रकु पाण्डेयले चलचित्र निर्देशन गरिरहेका छन्, कथा पनि उनकै लेखन हो। पटकथा तथा संवाद संयोग गुरागाईँले तयार गरेका हुन्।
