ब्युटी न्युज नेपाल
काठमाडौँ, २३ मंसिर
नेपालका यौन समस्या विशेषज्ञका रुपमा परिचित चलचित्र निर्माता निर्देशक तथा गीतकार डा. सुबोधकुमार पोखरेलको एकल रचना तथा संगीतकार दीपक शर्माको एकल संगीतमा ६ वटा गीतसहितको सँग्रह ‘परेली’ श्रोता माझ आएको छ । काठमाडौँमा एक समारोहबीच यो सँग्रहको हिजो अग्रज निर्देशक नीर शाहसहितले विमोचन गरे । कार्यक्रममा सो सँग्रहका दुईवटा गीतको भिडियो पनि देखाईयो ।
डा. पोखरेलका यि गीतहरूमा नरेन्द्र बियोगीले एकल रुपमा संगीत संयोजन गरेका छन् । ती गीतमा गायक गायिका राजेश पायल राई, अञ्जु पन्त, शिव परियार, प्रमोद खरेल, प्रवीण बेडवाल, रचना रिमाल र वेनिशा पौडेलले स्वर दिएका छन् ।
कार्यक्रममा सार्वजनिक गरिएको दुई वटा भिडियोको निर्देशन पनि डा. पोखरेलले नै गरेका हुन् । उनी मनकामना, मिलन जस्ता चलचित्रका निर्देशक पनि हुन् । आगामी दिनमा पनि चलचित्र निर्माण निर्देशन गर्ने लक्ष्य उनले लिएका छन् । दुबै गीतको भिडियो ओएसआर डिजिटलबाट सार्वजनिक गरिएको छ ।
सो विमोचन कार्यक्रमलाई सम्बोधन गर्दै अग्रज कलाकार एवम् गीतकार शाहले डा. पोखरेल चलचित्र निर्देशनसँगै राम्रा गीत रचना गर्ने गीतकार भएको बताए । उनका बजारमा आएका नयाँ गीतहरु नवीनतम् शैलीका भएको पनि शाहले बताए । गीतमा संगीतकार दीपक शर्माको संगीतको पनि उनले खुलेर प्रसँसा गरे ।
डा. सुवोध कुमार पोखरेलले लामो समयदेखि गीति सँग्रह ल्याउने चाहना भए पनि बल्ल समय जुरेको बताए । सँग्रहका गीतमा दीपक शर्माको संगीत नविनतम भएको र त्यसमा कलाकारहरुको स्वर जादुयी भएको पनि उनले जिकिर गरे । आफ्नो व्यानरबाट गीत, संगीत तथा म्युजिक भिडियो निर्माणसँगै चलचित्र निर्माण गर्ने लक्ष्य समेत भएको सो कार्यक्रममा घोषणा गरे ।
कार्यक्रममा पत्रकारद्वय प्रकाश सुवेदी, टिकाराम यात्रीलगायतले पनि गीतकार डा. पोखरेललाई शुभकामना दिए । गायक शिव परियारले आफूद्धार स्वरवद्ध परेली गीति गायनको चर्चा गरे भने संगीतकार दीपक शर्माले सँग्रहका गीतहरुमा संगीत सृजना बारे प्रकाश पारे ।
