ब्युटी न्युज नेपाल
काठमाडौं, १० कात्तिक
नेपाली चलचित्र ‘परिवर्तन’को टिजर आज काठमाडौँमा एक समारोहबिच सार्वजनिक गरिएको छ । छठ पर्वको अवसर पारेर निर्माण टिमले परिवर्तनको टिजर दर्शकमाझ ल्याएको हो । यो चलचित्र आगामी माघ ९ गतेबाट प्रदर्शनमा आउन लागेको हो ।
विजय केरुङको निर्देशनमा बनेको यो फिल्ममा सुशिल श्रेष्ठ, अञ्जना बराईली, करिश्मा मानन्धर, बुद्धि तामाङ, सुभाष मेचे, सरोज खनाल, हेमन्त बुढाथोकी, पुकार भट्टराई, शंकर श्रेष्ठ, गौतम तिवारी, यमनाथ खरेल, शिरु बिष्ट, आशा पौडेल, आयुषा कार्कीलगायतका कलाकारहरूको अभिनय रहेको छ । प्राविधिक व्यस्तताका कारण निर्देशक बिजय आज कार्यक्रममा सहभागी हुन सकेनन् ।
फिल्मका निर्देशक विजय केरुङले टिजरमार्फत ‘परिवर्तन’को मुख्य सन्देश दर्शकसमक्ष पु¥याउन खोजिएको बताए। उनका अनुसार चलचित्रले युवाको विद्रोही सोच, देशप्रतिको जिम्मेवारी र सुधारको चाहनालाई प्रस्तुत गर्नेछ । चलचित्रको टिजर एक्सन प्रधान छ । टिजरले यो एक्सन जनराको चलचित्र भएको दर्शाउँछ ।
देशमा विद्यमान भ्रष्टाचार, बेथिति, अन्याय र अत्याचारको विरोध गर्दै युवाहरूले अब देश परिवर्तनको नेतृत्व लिनुपर्ने सन्देश बोकेको देख्न सकिन्छ । फिल्ममा अभिनेता सुशील श्रेष्ठलाई एक्सन अवतारमा देख्न सकिन्छ। टिजर रिलिज कार्यक्रममा बोल्दै फिल्मका निर्माता तथा कथा लेखक दिपक शिवाकोटीले ‘परिवर्तन’ले देशभक्त युवाको आवाजलाई पर्दामा उतार्ने प्रयास गरेको बताए। उनले भने,‘अबको परिवर्तन युवाबाटै सम्भव छ, यही सन्देश बोकेको हाम्रो फिल्मले समाजमा चेतना जगाउनेछ ।’
शिवम अधिकारीको लेखनमा बनेको फिल्ममा एस.डी. योगीको संगीत, श्री श्रेष्ठको एक्सन निर्देशन, शिव ढकालको छायांकन र बन्दे प्रसादको सम्पादन रहेको छ । फिल्मको वितरण आर आर फिल्मस्ले गर्नेछन भने डिजिटल पार्टनर ओएस आर रहेको छ ।
