जेनजी प्रदर्शनमा १९ जनाको मृत्यु, गृहमन्त्रीले दिए राजिनामा

ब्युटी न्युज नेपाल
काठमाडौँ, २३ भदौ

सरकारले २६ वटा सामाजिक सञ्जालमाथि प्रतिवन्ध लगाएपछि जेनजी पुस्ताले आज गरेको आन्दोलनमा यो समाचार तयार गर्दासम्म १९ जनाको निधन भइसकेको छ ।

अझै केहीको अबस्था गम्भिर छ । स्वास्थ्य मन्त्रालयको पछिल्लो तथ्यांकन अनुसार सरकार पक्षको दमन तथा आक्रमणबाट देशभर विभिन्न अस्पतालमा ३ सय ४७ जना घाइतेको उपचार भईरहेको छ । यो बाहेक कतीपय घाईतेहरु प्रथमिक उपचारपछि घर फर्किएको पनि अस्पतालले जनाएको छ ।

आज काठमाडौंको राष्ट्रिय ट्रमा सेन्टरमा ८ जना, एभरेष्ट अस्पतालमा ३ जना, सिभिल अस्पतालमा ३ जना, केएमसी अस्पतालमा २ जना, त्रिवि शिक्षण अस्पतालमा १ जना र विपि कोइराला स्वास्थ्य विज्ञान प्रतिष्ठान धरानमा २ जनाको मृत्यु भएको छ ।

जसमध्य काठमाडौँको बीर अस्पतालसँगै रहेको ट्रमा सेन्टरमा उपचार भईरहेका घाइतेहरुको सूची यस प्रकार छ ।

यसैबिच गृहमन्त्री रमेश लेखकले आफ्नो मन्त्री पदबाट आज साँझ प्रधानमन्त्री केपी ओलीलाई राजिनामा दिएका छन् । उनले आजको घटनाको नैतिक जिम्मेवारी स्वरुप राजिनामा दिएको बताएका छन् ।