ब्युटी न्युज नेपाल
काठमाडौँ, २३ भदौ
सरकारले २६ वटा सामाजिक सञ्जाल बन्द गरेको बिरुद्ध ‘जेन जी’ पुस्ताले सुरु गरेको बिरोधले आन्दोलनको रुपमा लिएपछि अहिले काठमाडौँको नयाँ बानेश्वर क्षेत्र तनावग्रस्त छ ।
यसै बिच जिल्ला प्रशासन कार्यालय काठमाडौंले बानेश्वर सहित काठमाडौंको विभिन्न क्षेत्रमा कफ्र्यु आदेश जारी गरेको छ । सिडियो कार्यालयले बानेश्वर–तिनकुने क्षेत्रमा केही मिनट अघि कफ्र्यु लगाएको थियो ।
त्यसपछि राष्ट्रपतिको कार्यालय शीतलनिवास क्षेत्र, उपराष्ट्रपतिको कार्यालय लैनचौरसँग नारायणहिटी दरबार संग्रहालय र सिंहदरबार क्षेत्रमा समेत कफ्र्यु लगाएको छ ।
शन्तिपूर्ण भनिएको आन्दोलनले हिंसाको रुप लिएपछि कफूर्यु आदेश जारी गर्नु परेको जिल्ला प्रशासन कार्यालयले जनाएको छ ।
आज दिउँसो १ बजेदेखि राति १० बजेसम्म कफ्र्यु लगाइएको प्रमुख जिल्ला अधिकारीबाट जारी आदेश पत्रमा उल्लेख गरिएको छ ।
