बिजेता सिन्धुपाल्चोककी गंगाले उपाधिसहित २५ लाख रुपैयाँ, ट्रफी प्राप्त गरिन् । यो प्रतियोगिताको अडिसन चरण देखि नै मौलिक र मिठास स्वर भनेर प्रशंसा पाउँदै आएकी गंगा चर्चामा थिईन् ।
………………………………………………..
ब्युटी न्युज नेपाल
काठमाडौँ, १५ भदौ
गायन सम्बन्धि फ्रेन्चाईज टिभी रियालिटी सो नेपाल आईडरको छैटौँ संस्करण ‘नेपाल आइडल २०२५’को उपाधि सिन्धुपाल्चोककी प्रतिस्पर्धी गायिका गंगा सोनामले जितेकी छन् । उनी दर्शकको सर्वाधिक मत ल्याएर बिजयी भएकी हुन् । आईतबार बेलुका ललितपुर स्थित ग्वार्कोको एक होटलमा आयोजित ग्रान्ड फिनाले समारोहमा यो प्रतियोगिताको उपाधि गंगाले जितिन् । बिजेता गंगाले उपाधिसहित २५ लाख रुपैयाँ, ट्रफी प्राप्त गरिन् । उनलाई संचार तथा सूचना प्रविधिमन्त्री पृथ्वीसुब्बा गुरुङले ट्रफी हस्तान्तरण गरे ।
यो प्रतियोगिताको अडिसन चरण देखि नै मौलिक र मिठास स्वर भनेर प्रशंसा पाउँदै आएकी गंगा चर्चामा थिईन् । धेरैको रोजाईमा परेका कारण पनि उनी बिजेता बन्न सफल भईन् ।
नेपाल आईडलको अघिल्लो पाँच सृंखलामा बुद्ध लामा, सज्जा चौलागाईं, रवी ओड, भूपेन्द्र थापा मगर र करण परियारले उपाधि जितेका थिए ।
यो प्रतियोगिताको फाइनलमा पाँच जना पुगेका थिए । जसमा द्धितीय स्थान अर्थात फस्ट रनरअप बबिता थापामगर भइन भने उनले प्रमाणपत्र र १० लाख रुपैयाँ पाईन् । त्यस्तै तेस्रो स्थान अर्थात सेकेन्ड रनरअप बन्दै दर्शना गान्धारीले ५ लाख रूपैयाँ प्राप्त गरिन् ।
यो प्रतियोगितामा उत्कृष्ट पाँच भित्र पर्न सफल अभिनय खातीले चौथो हुँदै एक लाख रुपैयाँ पाए भने पाचौँ स्थानमा रहेकी मृनल मानन्धरले पनि १ लाख रूपैयाँ हाँसिल गरिन् । उनीहरुलाई कृषी विकास बैंकका सिइओ एवम् अग्रज गीतकार गोविन्द गुरुङले पुरस्कार प्रदान गरे ।
अभिनेता आसिफ शाहले सञ्चालन गरेको यो कार्यक्रमको निर्णायकमा न्ह्यू बज्राचार्य, कालीप्रसाद बाँस्कोटा र इन्दिरा जोशी थिए ।
