ब्युटी न्युज नेपाल
काठमाडौं, १३ भदौ
अघिल्लो चलचित्र पूर्ण बहादुरको सारंगी बम्बर हिट भएपछि त्यसका नायक बिजय बराललाई ३५ लाख रुपैयाँ पारिश्रमिक दिएर चलचित्र ‘जनै हराएको मान्छे ः सम्बन्धका धागाहरू’ निर्माण गरिएको थियो । करिब दुई करोडको लगानीमा निर्माण भएको बताईएको यो चलचित्र दोस्रो सातामा बहुसँख्यक हलबाट उत्रिएको छ ।
पहिलो साता जती हलमा रिलिज भएको थियो दोस्रो साता शुक्रबारसम्म आईपुग्दा यो चलचित्र एक चौथाई हलमा सिमित रहेको छ । नायक बिजय बराल भएपछि फिल्म आर्फैँ सुपर हिट हुन्छ भनेर प्रचार प्रसारबाट समेत पछाडी हटेको यो चलचित्र अन्तत प्रचार प्रसारकै अभावले फ्लपको सूचीमा पर्ने भएको छ ।
चलचित्र चलाउनको लागि केही दर्शकले आँसु झारेको भिडियोलाई युट्युव मिडियाबाट भाईरस बनाउन खोजिएको चलचित्र जनै हराएको मान्छेलाई दर्शकले पत्याएनन् । आफैँले टिकट पर्चेज गर्दा पनि हलमा दर्शक हराए ।
यो एकै सातामा तीन वटा चलचित्र आपसमा जुध्दाकोृ परिणाम पनि हो । यदी राम्रोसँग प्रचार प्रसार गरेर यो चलचित्र एकल रुपमा प्रदर्शन भएको भए यसले आफ्नो लगानीसम्म सुरक्षित गर्न सक्थ्यो ।
तर बिजय बरालको कारणले नै चलचित्र हिट हुन्छ भन्ने दम्बले गर्दा पहिलो दोस्रो सातामा आईपुग्दा पहिलो साताको भन्दा एक चौथाई सोमा यो चलचित्र खुम्चिाएको छ । यसरी नयाँ निर्माता र नयाँ निर्देशकले गरेको कोशिस आर्थिक रुपमा भने सार्थक देखिएन ।
