यो चलचित्र नेपाली र हिन्दी सहित दुई भर्सनमा तयार गरिएको यसका निर्माता बिनोद पौडेलले ट्रेलर रिलिज समारोहमा बताए । यो चलचित्र क्राईम, थ्रिलर जनरामा निर्माण भएको उनले जानकारी गराए ।
,,,,,,,,,,,,,,,,,,,,,,,,,,,,,,,,,,,,,,,,,,,,
ब्युटी न्युज नेपाल
काठमाडौँ, १२ भदौ
पूर्णबहादुरको सारंगी जस्तो ब्लक बस्टर चलचित्र निर्माण गर्न सफल ब्यानर सेभेन सिज सिनेमाले अर्को नयाँ चलचित्र ‘अभिमन्यु : च्याप्टर–१’ निर्माण गरेको छ । बिहीबार ललितपुरको क्युएफएक्स लबिम मलमा एक औपचारिक कार्यक्रमबिच चलचित्र ‘अभिमन्यु : च्याप्टर–१’ को ट्रेलर सार्वजनिक गरिएको छ । यो चलचित्र यही २७ भदौमा देश बिदेशमा एक साथ रिलिज हुँदैछ ।
यो चलचित्र नेपाली र हिन्दी सहित दुई भर्सनमा तयार गरिएको यसका निर्माता बिनोद पौडेलले ट्रेलर रिलिज समारोहमा बताए । यो चलचित्र क्राईम, थ्रिलर जनरामा निर्माण भएको उनले जानकारी गराए ।
यो चलचित्रको ट्रेलमा अभिमन्यु कामतले आफूलाई सर्वाधिक मन परेकी युवतीलाई कसैले जबरजस्ती गरेपछि उनले रोजेको अपराधको बाटोलाई अघि बढाएको छ । जसमा प्रेमको नाटक, अपहरण र मोटो रकम असुलीलाई कथाको पावरको रुपमा प्रस्तुत गरिएको छ । प्रेमीको नाटक गरेर युवती अपहरण गरी उनकै बाउसँग फिरौती रकम माग्ने युवकको कथालाई पनि ट्रेलरमा दर्साईएको छ ।
चलचित्र ‘अभिमन्यु ः च्याप्टर–१’ मा कामेश्वर चौरासिया, सरिता गिरी, गौमाया गुरुङ, लक्ष्मी बर्देबा, शिशिर वाङ्देल, किरण श्रेष्ठ, प्रकाश दाहाल, सुष्मा निरौलालगायतको अभिनय छ ।
प्रस्तुति निर्माण भएको सिनेमा ‘अभिमन्यु’लाई सुशान्त गौतमले निर्देशन गरेका छन् । यसका क्रिएटिभ निर्देशक मदन थापा हुन् ।
‘अभिमन्यु’का निर्माता विनोद पौडेल र गुञ्जन गिरी हुन् । रमेश चौलागाईं र हरि श्रेष्ठ सह–निर्माता रहेको चलचित्रका कार्यकारी निर्मातामा विशाल लामा, हरि मोक्तान, कृष्ण भट्टराई, नीराजन लुइँटेल र सन्देश श्रेष्ठ रहेका छन् ।
यो चलचित्रलाई मदन घिमिरेले सम्पादन गरेका हुन् । चलचित्रमा शरद महतोको डिओपी रहेको छ । जसमा मनोज श्रेष्ठ भिएफएक्स, सुप्रिम पराजुली रंग संयोजन छ । मुकेश खनालको लेखन रहेको सिनेमा नेपालमा रिलिज भएको एक साता पछि भारतमा हिन्दी भर्सनमा रिलिज गरिने भएको छ ।
