नयाँ चलचित्र माइतीघर आगामी असोज १३ गते दसैँको फूलपातीबाट चलचित्र घरमा रिलिजमा आउँदै छ । यो बहुचर्चित गीतलाई निर्माता रोहित अधिकारी र उनको टिमले पुनः बजारमा ल्याएको हो ।
…………………………………………………………….
ब्युटी न्युज नेपाल
काठमाडौँ, १२ भदौ
सदाबहार गीत ‘वसन्त नै बस्न खोज्छ यहाँ लोलाएर’ लाई नयाँ नृत्य र नयाँ स्वरमा फेरी देख्न पाइएको छ । ६० वर्ष अघि यो गीत ‘माइतीघर’ चलचित्रमा राखिएको थियो । जसमा किरण खरेलको शब्द, जयदेवको संगीत र आशा भोसलेको स्वर थियो ।
यही गीतलाई यति बेला सञ्जीवनीको स्वर रेकर्ड गरेर श्रोतामाझ ल्याइएको छ । रोहित अधिकारी फिल्मस् प्रा.लि.को व्यानरमा निर्माण भएको नयाँ ‘माइतीघर’ चलचित्रको शीर्ष गीतको रुपमा यो गीतलाई नयाँ स्वरमा रेकर्ड गरेर आज यसको भिडियो सार्वजनिक गरिएको हो । गीतको भिडियोलाई ओएसआर डिजिटलबाट सार्वजनिक गरिएको छ ।
यो गीतको भिडियोमा नायिकाद्धय उपासना सिंह ठकुरी र श्यामा श्री शेर्पाको अभिनयसँगै नृत्य छ । मानकृष्ण महर्जन र सुशन प्रजापतिको छायांकन रहेको यो फिल्ममा सुरेन्द्र पौडेलको सम्पादन छ ।
कविराज गहतराजले यो गीतको भिडियोको कोरियोग्राफी गरेका हुन् । भिडियोको कोरियोग्राफी लोभलाग्दो छ । लोकेशन र छायांकन पक्षले पनि दर्शकलाई आकर्षित गर्ने देखिन्छ । भिडियोमा हरेक शब्दले खोजेको लोकेशन छनोट गरिएको छ ।
नयाँ चलचित्र माइतीघर आगामी असोज १३ गते दसैँको फूलपातीबाट चलचित्र घरमा रिलिजमा आउँदै छ । यो बहुचर्चित गीतलाई निर्माता रोहित अधिकारी र उनको टिमले पुनः बजारमा ल्याएको हो ।
यो चलचित्रलाई मिलन तामाङको निर्देशनमा तयार भएको यो फिल्ममा रबिन शेरचन र धिरज तामाङको लगानी छ । ईश्वर श्रेष्ठ र नीरज कटुवाल कार्यकारी निर्माता रहेको फिल्ममा रामशरण पाठकको लेखन छ ।
