ब्युटी न्युज नेपाल
काठमाडौँ, ३० असार
बिगतमा स्मार्ट चेनबाट पार्टी भेन्यु तथा रेष्टुरेन्ट सञ्चालन गर्दै आएको स्मार्ट ग्रुपले काठमाडौँको धुम्बाराही चौंकमा विभिन्न सेवा सुविधा सहित होटल स्मार्ट सञ्चालन गरेको छ । सोमबार साँझ उक्त होटलको उद्घाटनका लागि अग्रज अभिनेता राजेश हमाललगायतले गरे । समारोहमा विभिन्न कलाकारहरु अतिथि थिए । अभिनेता हमालले होटलको मुख्य प्रवेशद्धारको उद्घाटन पानसमा बत्ती बाल्दै रिवन काटेर शुभारम्भ गरे ।
समारोहमा गायक प्रमोद खरेलले दोश्रो प्रवेशद्धार, सञ्चारकर्मी प्रकाश सुवेदीले क्याफे, गायिकाद्धय मिलन नेवार र मेलिना राईले वेलनेस सेन्टर, द भ्वाइस अफ नेपालका निर्देशक लक्ष्मण पौडेलले थकाली सेक्सन, र अर्का सञ्चारकर्मी सुशिल नेपालले रुफ टप बारको उद्घाटन गरे ।
भिनेता राजेश हमालले होटल उद्घाटनका कार्यक्रममा भने,‘यदि तपाईहरुलाई यो होटल मन पर्यो भने पक्कै पनि तपाईहरुलाई मेरो घर पनि मन पर्नेछ किन कि यो होटल जसले बनाउनु भएको हो मेरो नयाँ घर पनि उहाँहरुले बनाउनु भएको हो ।’ गत बैशाख १ गते देखि बुढानिलकण्ठ स्थित नयाँ घरमा बस्दै आएका हमालले आफ्नो घर पनि स्मार्ट गु्रपले बनाएको खुलासा गरे ।
यसैगरी प्रकाश सुवेदीले मुख्य हाईवेमै यति धेरै सुविधा सहितको होटल निर्माण हुनु प्रसंसनीय रहेको बताए । गायक प्रमोद खेरेल सहित मेलिना राई , मिलन नेवारले द भ्वाईसको स्टूडियो नजिकै रहेका कारण लागि रिफ्रेशमेन्टका लागि यो होटल पायक पर्ने बताए ।
करिब ४० करोड रुपैयाँको लागतमा निर्माण भएको होटल स्मार्टमा १७ वटा कोठा सहित ६ सय क्षमताको बैंकेट हल, सय क्षमताको रेष्टुरेन्ट, क्याफे, थकाली घर, स्वीमिङ पुल, साउना स्टिम र जाकुजी सहित रुप टप गार्डेन र रेष्टुरेन्ट छ ।
होटललाई ३५ बर्षीय युवा सुरेश कार्की र उनको समूहले सञ्चालनमा ल्याएको हो । उद्घाटनका क्रममा सुरेशले भने,‘यो होटल सवै बर्गका ग्राहक लक्षित छ एकै ठाउँमा धेरै सुविधा र ग्राहक मैत्री छ ।’
