ब्युटी न्युज नेपाल
काठमाडौँ, २३ असार
हास्य अभिनेता केदार प्रसाद घिरिमे (माग्ने बुढा)को परिचय भनेकै अहिलेसम्म नेपालमा सबैभन्दा बढी पारिश्रमिक लिने कलाकारको रुपमा भएको थियो । तर केदार आफैँले चलचित्र माग्ने राजामा ६१ लाख रुपैयाँ लिएको हैन भने । उनले यो घोषण गरेसँगै माग्ने राजाका निर्माता र निर्देशकले विभिन्न टिका टिप्पणी यतिबेला सहनु परेको छ ।
केदारले आफुलाई महँगो पारिश्रमिक लिने कलाकारको रुपमा घोषणा गरेर निर्माता मुनाल घिमिरेले सस्तो चर्चा बटुलेको बताएका छन् । यो सत्यकुरा बोल्दा केदार समेत अहिले चर्चासँगै विवादमा छन् । केदार बिरुद्ध विभिन्न टिप्पणी आएको छ ।
तथापि केदारले सो रकम आफुले लिएकै हैन भनेर दाबी गरेका छन् । मिसेस नेपाल वल्र्ड २०२५ को पत्रकार घेटघाट कार्यक्रममा केदराले यो कुरा खुलासा गरेका हुन् । उनले ६१ रुपैयाँ आफुले लिएको भन्ने कुरा प्रमाणित गरिदिन पनि आग्रह गरेका छन् । आफुले जति पारिश्रमिक लिएको हो, त्यसको कर तिर्ने उनले बताएका छन् ।
निर्माताले चलचित्रको टिजर सार्वजनिक गर्नु अघि चलचित्रलाई हाइप दिन एक समारोहमा आफ्नो पारिश्रमिक ६१ लाख रुपैयाँ घोषणा गरेर आफुलाई गरी खान गाह्रो बनाएको केदारले बताएका छन् । यो चलचित्रका निर्देशक ऋषीले पत्रकार भेटघाटमा पत्रकारसँगै चर्को चर्को स्वरमा अनाबस्यक टिका टिप्पणीसहित पत्रकारलाई नै कुटौँला जस्तो गरेको प्रती पनि केदारले दुःख व्यक्त गरेका छन् ।
सुत्रका अनुसार केदारले चलचित्र माग्ने राजमा ३० लाख रुपैयाँ लिएका हुन् । जसमध्य २० लाख रुपैयाँ लिएको र १० लाख रुपैयाँ सेन्सर अघि लिने सर्त रहेको सुत्रको दाबी छ ।
तस्बिर : बद्री थापा, ब्युटी न्युज नेपाल
