ब्युटी न्युज नेपाल
काठमाडौँ, ५ असार
सिमा गुरुङ निर्देशित नेपाली चलचित्र ‘रङ डेस्टिनेशन २’को पहिलो गीत ‘ब्रेक डान्स…’को भिडियो सार्वजनिक गरिएको छ । यो गीतमा गायक ओम सुनार र गायिका समिक्षा अधिकारीको स्वर रहेको छ । रोमान्टिक शैलीको यो गीतमा संगीत पनि गायक ओम सुनारनै दिएका हुन् । गीतका शब्द मुना शाहले कोरेकी हुन् ।
गीतको भिडियो भने डान्सिङ फेवरमा तयार गरिएको छ । जसमा फिल्मका मुख्य कलाकार आयशा तामाङ र किरण श्रेष्ठ देखिएका छन् । कल्चरल ड्रेस र कोरस समेत प्रयोग गरिएको गीतको भिडियोमा कोरियोग्राफी रोशनी थापा मगरले गरेकी हुन् ।
फुलमुन मोसन फिक्चर्स प्रालीको ब्यानरमा निर्माण भएको फिल्म हरर र थ्रिलर कथामा निर्माण भएको हो । किरण श्रेष्ठ, आयशा तामाङ, कालु राणा, आकी थेक्पा, सुगन तन्दुकर, उज्वल, सञ्जय थापा, सकल रेग्मीलगायतका कलाकारको अभिनय फिल्ममा छ ।
फिल्म कार्यकारी निर्माता सुगन तन्दुकर हुन् भने निर्माता समाइरा तन्दुकार र शर्मिला लामा रहेका छन् । मुस्ताङका बिभिन्न रमणिय स्थानमा छायांकन भएको फिल्मको प्रदर्शन तिमि भने जुर्न बाँकी रहेको छ ।
यो चलचित्रमा सञ्जय थापाको द्धन्द्ध, रणधीर श्रेष्ठको छायांकन र बनिश शाहको सम्पादन छ । विदेशका बिभिन्न फेष्टिभलको प्रदर्शनपछि मात्र फिल्म स्वदेशमा प्रदर्शन गरिने निर्देशक सिमा गुरुङले बताइन् ।
