ब्युटी न्युज नेपाल
काठमाडौं, ३२ जेठ
मोडल रँजित सिन्जाली, गायिका तथा मोडल सरिता भारती एउटा गीतको भिडियोमा पैसा छैन…भन्दै दर्शकमाझ आएका छन् । ।गायकद्धय अविनाश मगर र अजय कार्कीको स्वरमा बजारमा आएको नयाँ गीत पैसा छैन…मा यी दुईले पैसा नभएको गुनासो गरेका हुन् । यो म्युजिक भिडियोमा मोडल रँजित सिन्जाली, गायिका तथा मोडल सरिता भारती मुख्य भूमिकामा छन् । भिडियोमा शँकर कार्की, अमृत खड्गी, बिशाल लामिछाने, प्रदीप बिष्ट, प्रेमकुमार लामालगायतको पनि अभिनय छ ।
पैसा छैन गीतको भिडियोमा सरिता र रँजितले पति पत्नीको भूमिका निर्वाह गरेका छन् । एक दर्जन भिडियो खेलिसकेका रँजित र अढाई दर्जन भिडियोमा मोडलिङ गरिसकेकी गायिका सरिताको केमेस्ट्री यो भिडियोमा मिलेको छ ।
अविनाश मगर अफिसियल च्यानलबाट हिजो सार्वजनिक गरिएको यो गीतमा पैसा नहुँदा श्रीमातीबाट समेत श्रीमानले अपहेलना सहनु परेको पीडा दर्शाईएको छ । यो गीतको भिडियोमा पनि त्यही पीडा देख्न पाईन्छ ।
विलक्षण क्रियसनको ब्यबस्थापनमा निर्माण भएको यो भिडियोमा पैसा कमाउन नसक्दा साथी, आफ्न्तदेखि पत्नीसम्मले हेपेको कथा प्रस्तुत गरिएको छ ।
यो गीतलाई अविनाश र अजयले लेखेका हुन् । गीतमा अविनाशकै संगीत रहेको छ । गीतलाई आदेश गुर्माछानले संगीत संयोजन र किशोर थापाले मिक्सिङ गरेका हुन् ।
सिञ्जाली ड्राईभिङ सेन्टरले निर्माण गरेको यो म्युजिक भिडियोमा दिब्यराज सुवेदी र सुशिल डाँगीको छायाँकन, बीरेन्द्र भाट विपिनको सम्पादन रहेको छ ।
