ब्युटी न्युज नेपाल
काठमाडौं, २० जेठ
केही दिनको लागि नेपाल आएका वरिष्ठ लोकगायक प्रेम राजा महतको आफ्नो स्वरमा नयाँ गीत ‘घर हम्रा हुम्ला जुम्लामा’ को भिडियो सार्वजनिक गरेका छन् । उनले यो भिडियो आफ्नै च्यानलबाट सार्वजनिक गरेका हुन् । अमेरिकाको मेरिल्याण्ड र पेन्सेलभेनियाको महाबाणिज्यदुत रहनु भएका यी लोकगायकले नेपाल गएको बेला ‘घर हम्रा हुम्ला जुम्लामा…गीतको भिडियो तयार गरेका हुन् ।
शुक्रबार आफ्नै प्रेम राजा युट्युबमार्फत् यो गीतको भिडियो सार्वजनिक गर्नुभएको हो । आफ्नै शब्द र संगीतमा तयार भएको यो नयाँ गीतमा शान्तिश्री परियारको पनि स्वर रहेको छ। यो गीतको लागि जुम्लाका विकट पहाडी क्षेत्रमा छायांकन गरिएको थियो ।
यो गीतको भिडियोमा गायक महत र मोडल रीना थापा मगरले अभिनय गरेका छन् । प्रेम राजा महतको परिकल्पना र रामजी लामिछानेको कोरियोग्राफी एवम् निर्देशनमा तयार भएको यो भिडियोमा छायांकन मानकृष्ण महर्जनको, सम्पादनमा मिराज अर्याल र रङ्ग संयोजन राजेन्द्र मोक्तानको रहेको छ ।
घर हम्रा हुम्ला जुम्लामा नामक गीतका निर्माताहरुमा अशिस भण्डारी, सदीक्षा महत भण्डारी, गिर्वाणविक्रम भण्डारी र गौरिका भण्डारी हुनु हुन्छ ।
