ब्युटी न्युज नेपाल
काठमाडौं, १३ चैत
गायक तथा संगीतकार नरहरि प्रेमीले आफ्नो स्वरमा नयाँ गीत तिमीलाई हेरेर…को भिडियो बजारमा ल्याएका छन्। उनले यो गीतको भिडियोमा अभिनय पनि आफैंले गरेका छन् । यो गीतमा नरहरिलाई स्वरमा प्रज्ञा अधिकारीले साथ दिएकी छिन् ।
यो गीतको शब्द पुष्पा पौडेलले लेखेकी हुन् । जसमा संगीत पनि गायक नरहरि स्वयमको रहेको छ । जसमा सञ्जय हमालले संगीत संयोजन गरेको गीतको मिक्सिङ र मास्टरिङ गोविन्द सोनीले गरेका छन् ।
राजकुमारको निर्देशन र सम्पादन रहेको भिडियोको छायाँकन उत्सव दाहालले गरेका छन् । राजकुमार दर्जीको कोरियोग्राफीमा गायक तथा गायिकाले नै अभिनय गरेका छन् ।
