ब्युटी न्युज नेपाल
काठमाडौँ, ११ पुस
नेकपा माओबादी केन्द्रका अध्यक्ष तथा प्रधानमन्त्री पुष्पकमल दाहाल ‘प्रचण्ड’ले सहित नयाँ मन्त्री परिषदले आफ्ना तथा गोपनियताको सपथ ग्रहण गरेका छन् । प्रधानमन्त्री दाहाल, तीन जना उपप्रधान र चार जना मन्त्री सहित आठ सदस्यीय मन्त्रिपरिषद् सोमबार गठन भएको हो । आइतबार मात्रै नेकपा (माओवादी केन्द्र) का अध्यक्ष दाहाल नेपालको प्रधानमन्त्रीमा नियुक्त भएका थिए । उनको नेतृत्वमा ८ सदस्यीय मन्त्री परिषद सोमबार गठन भएको हो ।
सो मन्त्री परिषद गठन लगत्तै राष्ट्रपति कार्यालय महाराजगञ्ज पुगेर उनीहरुले राष्ट्रपति विधादेवि भण्डारीबाट सपथग्रहण गरेका हुन् । नयाँ मन्त्री परिषदमा एमालेबाट ४ जना, माओबादीबाट २ जना, राष्ट्रिय स्वतन्त्र पार्टीबाट एक जना र जनमतपार्टीबाट एक जना रहेका छन् ।
जस अन्तर्गत यो मन्त्रिपरिषदमा उपप्रधानमन्त्री एवं अर्थमन्त्रीको जिम्मेवारी एमालेका विष्णु पौडेलले सम्हालेका छन् । अर्को उपप्रधानमन्त्री एवं भौतिक पूर्वाधार तथा यातायातमन्त्रीको रूपमा माओबादी केन्द्रका नारायणकाजी श्रेष्ठ नियुक्त भएका छन भने उपप्रधानमन्त्री एवं गृहमन्त्रीमा राष्ट्रिय स्वतन्त्र पाटीृका अध्यक्ष रवि लामिछाने नियुक्त भएका छन् । अर्थमन्त्री पौडेलले यसअघि पनि अर्थमन्त्रीको जिम्मेवारी सम्हालिसेका थिए ।
तीन उपप्रधानमन्त्री शपथ ग्रहण गर्दै
माओवादी केन्द्रका वरिष्ठ उपाध्यक्ष समेत रहेका नारायणकाजी श्रेष्ठले यसअघि पनि परराष्ट्रमन्त्री र गृह मन्त्रालयको जिम्मेवारी निर्वाह गरिसकेका थिए भने उपप्रधान एवं गृहमन्त्रीको जिम्मेवारी पाएका लामिछाने पहिलो पटक सकारमा गएका हुन् ।
यस्तै, सोमबार नियुक्त भएका मन्त्रीहरू एमालेकी ज्वालाकुमारी साह, दामोदर भण्डारी र राजेन्द्रकुमार राई तथा जनमत पार्टीका अब्दुल खान रहेका छन् । जस मध्य अब्दुल खानलाई उधोग मन्त्रीको जिम्मेवारी दिईएको छ ।
तस्बिर : प्रदीप वन्त, रासस
