ब्युटी न्युज नेपाल
काठमाडौं, २४ फागुन
चलचित्र ’ए मेरो हजुर ४’को दोस्रो गीत सुन्तला…को भिडियो रिलिज गरिएको छ । ’यो गीतको भिडियोमा चलचित्रका मुख्य कलाकार अनमोल केसी र सुहाना थापाले अभिनय गरेका छन्। उनीहरुको मायाँप्रेमलाई भिडियोमा दर्शाईएको छ । आगामी बैशाख १ गते नयाँ वर्षको अवसरमा रिलिज हुने यो सिनेमाको अर्को गीत यस अघि नै रिलिज गरिएको थियो ।
सार्वजनिक गीतमा बसन्त सापकोटाको शब्द तथा संगीत र मेलिना राई र निशान भट्टराईले स्वर भरेका छन् । गीलाई उदयराज पौडेलले एरेञ्ज गरेका हुन् । लोक लयमा तयार पारिएको गीतको भिडियोका कोरियोग्राफर कविराज गहतराज हुन् । गीतको अडियो र भिडियो निकै उच्च क्यालिटीमा निर्माण भएको देख्न सकिन्छ ।
सुहाना इन्टरटेनमेन्ट र सुनिल कुमार थापा प्रोडक्सनमा सुनिल कुमार थापाले निर्माण गरेका हुन् । सिनेमाको कथा निर्देशक झरना थापाले लेखेकी हुन् । पटकथा र संवादमा उनलाई स्व। निर्देशक छेतेन गुरुङ, मन्दिप गौतम, प्रतिक पौडेल, बाबुराम दाहाल, उपकार पाण्डे र माधव शर्माले सघाएका छन् । सिनेमामा सलोन बस्नेतको पनि अभिनय रहेको छ ।
