इकुको बाल आश्रममा लायन्स क्लब अफ काठमाडौं अभियानको सहयोग

ब्युटी न्युज नेपाल
काठमाडौं, ३० भदौ

लायन्स क्लब अफ काठमाडौं अभियानले अन्तराष्ट्रिय बाल दिवसको अबसर पारेर काठमाडौंको मुलपानी स्थित स्नेह आश्रमका बालबालिकाको लागि आर्थिक तथा विभिन्न सहयोग गरेको छ । क्लबका तर्फबाट त्यहाँका बालबालिकासँग केट काटेर उनीहरुलाई खाना खुवाउँदै बाल दिवस मनाईएको छ ।

यसै वर्ष गठन भएको लायन्स क्लब अफ काठमाडौं अभियानले यस्ता विभिन्न सामाजिक कार्य नियमित आयोजना गर्दै आएको छ । यसै क्रममा रोज सिप विकाश तालिम केन्द्रकी अध्यक्ष, लायन्स क्लव अफ काठमाडौं अभियानका चार्टर चेयरपर्सन तथा बरिष्ट ब्युटिसियन सोनी कारंजितको सँयोजकत्वमा सो आश्रममा विभिन्न कार्यक्रम सहित बालदिवस मनाईएको हो ।

स्नेह बाल आश्रममा पुगेर लायन्स क्लब अफ काठमाडौं अभियानका पदाधिकारीहरुले आर्थिक सहयोग गरे । चार्टर चेयर पर्सन सोनी कारंजितले अभियानका तर्फबाट सो आश्रमका लागि १५ हजार रुपैयाँ प्रदान गरिन् ।

अभियानका तर्फबाट विभिन्न ब्युटिसियनले सो आश्रममा रहेका बालिकाहरुको कपालसमेत काटेका थिए । त्यसपछि अभियानका पदाधिकारी तथा सदस्यहरुले बालबालिकालाई खाना खुवाईदिए ।

हास्यब्यँग्य कलाकार सुलेमान शँकर इकु र उनको श्रीमतीले काठमाडौंको मुलपानीमा स्नेह बालआश्रम सञ्चालन गरेका हुन्। यो आश्रममा १४ जना अनाथ बालबालिका रहेका छन् । सो कार्यक्रममा अतिथिका रुपमा लायन्स क्लब अन्तर्राष्ट्रिय डिस्ट्रिक ३२५ बि १ की कलस्टर चिफ तारा भुसाल, रिजन चेयरपर्सन रेश्मा श्रेष्ठ, जोन चेयरपर्सन धनु सिंजाली, लाइन्स क्लब अफ काठमाडौँ आधारकी अध्यक्ष गेल्मु शेर्पा बुढाथोकीलगायतको उस्थित थियो ।